Celine Beauté បង្ហាញ Collection គ្រឿង Make Up ដំបូងរបស់ខ្លួន រួមទាំងតុសម្អាងដ៏ប្រណីត

ក្នុងរយៈពេលប៉ុន្មានឆ្នាំចុងក្រោយនេះ ម៉ាកម៉ូដសម្លៀកបំពាក់ប្រណីតជាច្រើនបានឈានជើងចូលក្នុងឧស្សាហកម្មផលិតផលថែរក្សាសម្ផស្ស រួមមានទាំង Hermès, Valentino, និង Prada ប៉ុន្តែប៉ុន្មានឆ្នាំថ្មីៗនេះ Celine Beauté បានទទួលការចាប់អារម្មណ៍ខ្លាំងបំផុតពីសំណាក់ស្រ្តីគ្រប់រូបជុំវិញពិភពលោក។

“Celine Beauté” បានបញ្ចេញផលិតផលគ្រឿងសម្អាងដែលមានរចនាប័ទ្ម និងរូបរាងដ៏សាមញ្ញ បង្កប់ភាពប្រណីតដែលជាចំណុចសំខាន់ក្នុងការលក់ទៅកាន់ពិភពលោក។

បើនិយាយអំពីផលិតផលសម្អាងរបស់ Celine Beauté … ក្រែមលាបមាត់ Le Rouge Celine គឺពិតជាសក្ដិសមសម្រាប់នារីគ្រប់រូប វាមានរចនាប័ទ្មម៉ូដបំពង់ក្រែមពណ៌មាស និងពណ៌ប្រាក់ អមជាមួយការបំផុសគំនិតបែបបុរាណនិយមនៃវប្បធម៌ប្រទេសបារាំងនៅចុងសតវត្សរ៍ទី 18 ចំណែកឯផ្នែកកណ្តាលនៃបំពង់ក្រែមត្រូវបានឆ្លាក់ដោយពាក្យ “LE ROUGE CELINE PARIS”។

មិនត្រឹមតែប៉ុណ្ណោះ Collection គ្រឿងសម្អាងរបស់ Celine បានរួមបញ្ចូលទាំង ៖ Eye Shadow, Mascara, ថ្នាំលាបក្រចក និងផលិតផលសម្អាងសម្រាប់ស្រ្តីផ្សេងៗទៀត។