Collection កាបូប Louis Vuitton ដែលបង្កើតឡើងដោយ លោក Nicolas Ghesquière បង្កប់ភាពស្រស់ស្អាតបំផុត

មិនថាជាប្រភេទកាបូប Crossbody, Chain, តំហំតូច ឬធំ រចនាប័ទ្មនីមួយៗតែងពាំនាំមកនូវភាពស៊ីវីល័យបំផុតសម្រាប់ស្រ្តីសម័យថ្មី។

នៅឆ្នាំ 2024 នាយកច្នៃប្រឌិតរបស់ផ្ទះម៉ូតប្រណីតបារាំង Louis Vuitton លោក Nicolas Ghesquière បានប្រារព្ធខួបមួយទសវត្សរ៍ នៃការបង្កើតកាបូបជាមួយរចនាប័ទ្មដ៏អស្ចារ្យ ក៏ដូចជាការបង្ហាញម៉ូត (Iconic Runway) និងបន្ថែមជាមួយការចងចាំដែលមិនអាចបំភ្លេចបានអំពីកាបូបផ្ទុកឯកសារ Louis Vuitton ។

ក្នុងអំឡុងពេលកាន់តំណែងក្នុងនាមជានាយកដឹកនាំរចនាប័ទ្មច្នៃប្រឌិតម៉ូតកាបូបនៃ នៃផ្ទះម៉ូតប្រណីតបារាំង “Louis Vuitton” អស់យៈពេល 10ឆ្នាំមក លោក Nicolas Ghesquière បានបន្សល់ទុកនូវ Collection កាបូបប្រណីត ចោលការអារម្មណ៍យូរអង្វែងក្នុងឧស្សាហកម្មម៉ូដ ជាមួយកេរ្តិ៍ឈ្មោះដ៏ល្បីល្បាញបំផុតនៅក្នុងប្រវត្តិសាស្ត្រនៃផ្ទះម៉ូដបារាំង។ ស្ទីលតម្រូវតាមការចង់បានរបស់យុវវ័យ ប៉ុន្តែមានភាពទាក់ទាញមិនធម្មតាទាន់ ដែលគាត់បានដាក់បង្ហាញនៅក្នុងការបង្ហាញម៉ូត Runway របស់ Louis Vuitton បានបង្កទៅនិន្នាការរីករាលដាល និងកំណត់នូវសម្លៀកបំពាក់សហសម័យ ហើយនាំយកផ្ទះម៉ូដបារាំងឈានចូលទៅក្នុងសតវត្សទី 21 កាន់តែស៊ីជម្រៅ ។

សូមបញ្ជាក់ថា លោក Nicolas Ghesquière កើតនៅថ្ងៃទី 9 ខែឧសភា ឆ្នាំ 1971 គឺជា អ្នករចនាម៉ូដ ជនជាតិបារាំង-បែលហ្ស៊ិក មានតំណែងជានាយកច្នៃប្រឌិតទៅលើរចនាប័ទ្មរបស់ស្ត្រីនៃផ្ទះម៉ូដប្រណីត Louis Vuitton តាំងពីឆ្នាំ 2013។ លោកបានពាំនាំយកនូវចក្ខុវិស័យថ្មីដ៏មានអានុភាពនៃភាពជាស្ត្រីជាមួយស្ទីលប្លែកៗ ស្រស់ស្អាត ជាពិសេសសន្យានឹងមានការបន្តច្នៃប្រឌិតចំពោះ Collection ផ្សេងៗជាបន្តបន្ទាប់។