Collection ថ្មីរបស់ Victoria Beckham Mango នឹងចេញលក់ក្នុងខែនេះ

សមាជិកក្រុម Spice Girl ដែលបានប្រែក្លាយមកជាអ្នករចនាម៉ូដ បាននិយាយថា នៅ​ក្នុង Collection ថ្មី ដែល​នឹង​ចេញ​លក់​ក្នុងខែ​នេះ នាងនឹងរក្សាអត្តសញ្ញាណ ម៉ាកយីហោ​ឲ្យនៅដដែល។

កាល​ពី​ថ្ងៃ​ព្រហស្បតិ៍ ហាង​លក់​រាយ Mango បាន​និយាយ​ថា ខ្លួន​កំពុង​សហការ​ជាមួយអតីត​សមាជិក Spice Girl ដែលបច្ចុប្បន្ន បាន​ប្រែក្លាយ​មកជា​អ្នក​រចនា​ម៉ូដ ​លើ​ Collection ដែល​មាន​ជា​ប្រភេទរ៉ូប​ អាវ​ប៉ាក់ និង​គ្រឿង​បន្ថែម​ច្រើន​ទៀត។

អ្នកលក់រាយអេស្ប៉ាញបានពណ៌នាអំពី Collectionថ្មី ដែលនឹងត្រូវចាប់ផ្តើមនៅថ្ងៃទី 23 ខែមេសា នេះ ថាជា “ការលាយបញ្ចូលគ្នាដ៏ល្អឥតខ្ចោះនៃប្រណិតភាពបែបបុរាណរបស់អង់គ្លេស“។ ក្នុង​រូបភាពដែលចេញផ្សាយ​មុន បាន​​បង្ហាញ​ពី​តារា​ម៉ូដែល​ម្នាក់អង្គុយ​លេង​ក្បែរ​អាង​ទឹក​ដោយ​ពាក់​អាវ​ធំ​ពណ៌​ស និង​ខោ​រលុង​សម​​គ្នា។ ម្យ៉ាងវិញទៀត តារាបង្ហាញម៉ូតម្នាក់ ងើបចេញពីអាងទឹក ក្នុងសម្លៀកបំពាក់ពណ៌ស ឆ្នូតៗ។

ចំពោះ​តម្លៃ​វិញ ត្រូវបានគេរំពឹងថា នឹងខ្ពស់ជាងការផ្តល់ជូនធម្មតារបស់ Mango ប៉ុន្តែបើធៀបនឹងទំនិញពីម៉ាកយីហោសំខាន់របស់ Beckham គឺអាចមានចាប់តម្លៃពី 90 អឺរ៉ូ សម្រាប់អាវយឺតដល់ 2,650 អឺរ៉ូសម្រាប់អាវទ្រនាប់។

Beckham ជាស្លាកយីហោបានបើកដំណើរការស្លាកនៅឆ្នាំ 2008។ ដោយ​ឡែកMango គិត​មក​ដល់​ពេល​នេះ មានអាយុ 40 ឆ្នាំហើយ។ អតីតសមាជិក Spice Girl បាននិយាយនៅក្នុងបទ​សម្ភាសន៍​ជាមួយ WWD ថា នាងបាន​សម្រេចចិត្តធ្វើការជាមួយ Mango ដើម្បី “និយាយទៅកាន់​ទស្សនិកជន​ឲ្យបាន​កាន់តែទូលំទូលាយ​តាមរបៀបដែលមានអារម្មណ៍ថាពាក់ព័ន្ធនឹងម៉ាករបស់ខ្ញុំ និងរក្សា​សោភ័ណ​ភាព និងអត្តសញ្ញាណ​ផលិតផលរបស់ខ្ញុំ“។

កាលពីខែមុន Mangoត្រូវបានគេរាយការណ៍ពីចំណូលកំណត់ត្រាចំនួន 3.1 ពាន់លានអឺរ៉ូសម្រាប់ឆ្នាំ 2023 ។ Victoria Beckham និងMango សហការគ្នាលើម៉ាកយីហោសំលៀកបំពាក់ ប្រភេទ​ការ​រស់នៅប្រចាំថ្ងៃ៕ ប្រភព៖ theguardian