ខ្មែរ
English
តារាសម្ដែងស្រីថៃ Freen Sarocha ក្លាយជាស្រីឯកអគ្គរាជទូតដំបូងគេដែលមកពីប្រទេសថៃសម្រាប់ប្រេន Valentino។
Sarocha បាននិយាយនៅក្នុងសេចក្តីថ្លែងការណ៍ដែលចេញផ្សាយដោយគេហទំព័ររបស់ Valentino នូវថ្ងៃសុក្រថា “វាជាកិត្តិយសដ៏ធំបំផុតសម្រាប់ខ្ញុំក្នុងការចូលរួមក្នុងការប្រែក្លាយទំព័របន្ទាប់នៃប្រវត្តិសាស្រ្តរបស់ Maison Valentino ដែលសិល្បៈ និងបេតិកភណ្ឌចូលដល់សម័យកាលថ្មី ក្រោមការដឹកនាំប្រកបដោយការច្នៃប្រឌិត និងប្រកបដោយចក្ខុវិស័យរបស់លោក Alessandro Michele” ។
តារាសម្ដែងស្រីថៃដ៏ល្បីមួយរូបដែលបានចូលរួមកម្មវិធីបង្ហាញម៉ូដលើកដំបូងរបស់លោក Alessandro Michele សម្រាប់ Valentino បានទទួលការកោតសរសើរ ចំពោះតួនាទីរបស់នាងទាំងក្នុងទូរទស្សន៍ និងភាពយន្ត។
Sarocha ដែលបានចូលរួមកម្មវិធី Pavillon des Folies ដែលជាកម្មវិធីបង្ហាញម៉ូតលើកដំបូងរបស់លោក Michele សម្រាប់ Valentino នៅទីក្រុងប៉ារីសក្នុងខែកញ្ញា ទទួលបានភាពល្បីល្បាញសម្រាប់តួអង្គរបស់នាងនៅក្នុងរឿងភាគថៃមនោសញ្ចេតនាឆ្នាំ ២០២២ GAP: The Series ដែលជាការសម្តែងដែលទទួលបានភាពជោគជ័យក្នុងស្រុក និងការទទួលស្គាល់ពីអន្តរជាតិ។
នៅឆ្នាំ ២០២៤ Sarocha បានបង្ហាញខ្លួននៅក្នុងខ្សែភាពយន្ត Uranus 2324 និង The Loyal Pin ហើយក្រោយមកបានចូលរួមក្នុងមហោស្រពភាពយន្ត Cannes ឆ្នាំ ២០២៤ ។
ការបង្ហាញខ្លួនចុងក្រោយរបស់នាងគឺនៅក្នុងខ្សែភាពយន្តបែបភ័យរន្ធត់-កំប្លែង Rider ឆ្នាំ ២០២៤ ។ នៅឆ្នាំ ២០២៥ Freen ត្រូវបានគេរំពឹងថានឹងសម្តែងក្នុងរឿងភាគទូរទស្សន៍ Cranium ។
Valentino បាននិយាយនៅក្នុងសេចក្តីថ្លែងការណ៍មួយថា “ពួកយើងនិងរង់ចាំក្នុងការសហការជាមួយនាងនៅក្នុងព្រឹត្តិការណ៍នាពេលខាងមុខ ដើម្បីអបអរសាទរនូវទេពកោសល្យ និងរចនាប័ទ្មពិសេសរបស់នាង” ។
