ខ្មែរ
English
Friedkin Group បានយល់ព្រមទិញភាគហ៊ុន 94% នៅ Everton ពីម្ចាស់បច្ចុប្បន្ន គឺ លោក Farhad Moshiri ។ កិច្ចព្រមព្រៀងនេះ ស្ថិតក្រោមការយល់ព្រមតាមបទប្បញ្ញត្តិពី Premier League, FA, និង Financial Conduct Authority ដែលមានតម្លៃជាង 400 លានផោន។
ក្រុមដែលមានមូលដ្ឋាននៅសហរដ្ឋអាមេរិក (Friedkin Group) ដឹកនាំដោយ លោក Dan Friedkin បានកាន់កាប់ក្លឹប Roma រួចមកហើយ លើកនេះលោកបានសន្យាថានឹងធ្វើឱ្យ Everton ក្លាយជាក្លឹបទី 10 នៅ Premier League ក្រោមកម្មសិទ្ធិភាគហ៊ុនរបស់សហរដ្ឋអាមេរិក។
លោក Moshiri ដែលបានវិនិយោគច្រើនជាង 750 លានផោននៅ Everton ចាប់តាំងពីឆ្នាំ 2016 ត្រូវប្រឈមមុខនឹងការរិះគន់យ៉ាងច្រើនពីអ្នកសំណាក់អ្នកគាំទ្រ ដោយសារតែដំណើរការរៀបចំ និងគ្រប់គ្រងមិនបានល្អរបស់ក្លឹប រួមទាំងការកាត់ពិន្ទុសម្រាប់ការរំលោភលើហិរញ្ញវត្ថុ។ Friedkin Group មានគោលបំណងធ្វើឱ្យក្លឹបមានស្ថេរភាព និងបញ្ចប់ការសាងសង់កីឡដ្ឋានថ្មីនៅ Bramley-Moore Dock ។
ការប្ដេជ្ញាចិត្តរបស់ Friedkin ចំពោះ Roma និង Everton បានបង្ហាញពីគំរូនៃភាពជាម្ចាស់ពហុក្លឹប សំដៅលើការរីកចម្រើន និងភាពជោគជ័យទៅវិញទៅមក។
