តិចអត់ដឹង? …ទឹកដូងមានផ្ទុកគុណប្រយោជន៍ចំពោះសុខភាពយ៉ាងច្រើនដល់ម្លឹង

ទឹកដូង គឺជាជម្រើសនៃភេសជ្ជៈដែលសម្បូរសារធាតុចិញ្ចឹមក្នុងការផ្តល់ជាតិសំណើមដល់ស្បែក និងរក្សាជាតិទឹកនៅក្នុងសារពាង្គកាយ។ ទឹកដូង បានផ្តល់អត្ថប្រយោជន៍ជាច្រើនដល់សុខភាពទាំងមូលរបស់អ្នក រួមទាំងសុខភាពបេះដូង និងបង្ការបញ្ហាគ្រួសក្នុងតម្រងនោមផងដែរ។

ក្រៅពីមានឱជារសជាតិផ្អែម ក្លិបក្រអូប និងផ្តល់ជាតិទឹកតាមរយៈធម្មជាតិ ទឹកដូងក៏សម្បូរទៅដោយសារធាតុចិញ្ចឹមសំខាន់ៗ រួមមាន សារធាតុរ៉ែ និងអេឡិចត្រូលីតជាច្រើនដូចជា ប៉ូតាស្យូម កាល់ស្យូម ម៉ង់ហ្គាណែស សារធាតុប្រឆាំងអុកស៊ីតកម្ម អាស៊ីតអាមីណូ និងស៊ីតូគីនីន។ បន្ថែមពីនេះ ទឹកដូងផ្ទុកកាឡូរី កាបូអ៊ីដ្រាត និងជាតិស្ករទាបបំផុត ដែលជាហេតុ ភេសជ្ជៈដ៏អស្ចារ្យមួយនេះមិនងាយធ្វើឱ្យអ្នកឡើងទម្ងន់ដូចភេសជ្ជៈផ្លែឈើដទៃ។

ជួយកាត់បន្ថយហានិភ័យជំងឺបេះដូង
ទឹកដូងសម្បូរទៅដោយ ជាតិប៉ូតាស្យូម សារជាតិប្រឆាំងអុកស៊ីតកម្ម ប្រឆាំងការរលាក និងកំណកឈាម ហើយគ្មានផ្ទុកជាតិកូលេស្តេរ៉ូល ឬខ្លាញ់ទេ នេះជាអ្វីដែលមានប្រយោជន៍ដល់សុខភាពបេះដូងបំផុត ដែលអាចជួយបង្កើនកូលេស្តេរ៉ូលល្អ HDL កាត់បន្ថយកូលេស្តេរ៉ូលអាក្រក់នៅក្នុងសរសៃឈាមបេះដូង។

អាចជួយការពារគ្រួសក្នុងតម្រងនោម
ទឹកដូង គឹជាភេសជ្ជៈបំពេញជាតិទឹកដោយធម្មជាតិដល់រូបរាងកាយ។ ប្រសិនបើអ្នកជាមនុស្សមិនសូវចូលចិត្តញ៉ាំទឹកទេ សូមអ្នកទទួលទានទឹកដូង ទឹកដូងមិនត្រឹមតែមានឱរសជាតិផ្អែមឆ្ងាញ់ទេ វាថែមទាំងជួយការពារការកើតមានបញ្ហាគ្រួសក្នុងតម្រងនោមផងដែរ។ វាក៏អាចបណ្តេញជាតិក្លរីន និង Citrate នៅក្នុងទឹកនោមរបស់មនុស្ស។

បញ្ចុះសម្ពាធឈាម
ទឹកដូងអាចធ្វើឱ្យមានតុល្យភាពបញ្ចេញនូវសារធាតុ សូដ្យូម ចេញពីរូបរាងកាយដោយសារក្នុងភេសជញជៈនេះមានផ្ទុក វីតាមីន C ប៉ូតាស្យូម និងម៉ាញ៉េស្យូម ហើយការបញ្ចេញសារធាតុ សូដ្យូម នេះបានចូលរួមកាត់បន្ថយហានិភ័យជំងឺសម្ពាធឈាម ដូចជា លើសឈាមជាដើម។

ព្យាបាលបញ្ហាឈឺក្បាល
ទឹកដូង អាចជួយដោះស្រាយបញ្ហាឈឺក្បាលភាគច្រើន ដែលបណ្តាលមកពីកង្វះជាតិទឹក ព្រោះទឹកដូងអាចជួយបំពេញអេឡិចត្រូលីត និងជាតិទឹកក្នុងខ្លួនឡើងវិញ។
បន្ថែមនូវអត្ថប្រយោជន៍មួយទៀត គឺម៉ាញ៉េស្យូម ដោយសារពេលយើងឈឺក្បាលប្រកាំងភាគច្រើន តែងធ្វើឲ្យខ្វះជាតិម៉ាញ៉េស្យូម។ ការសិក្សារជាច្រើនបង្ហាញថា ម៉ាញ៉េស្យូមក្នុងទឹកដូងជួយកាត់បន្ថយដោះស្រាយបញ្ហាឈឺក្បាលដែលតែងកើតឡើងជាញឹកញាប់។

ជួយសម្រកទម្ងន់
ប្រសិនបើអ្នកចង់សម្រកទម្ងន់ដោយសុវត្ថិភាព ជម្រើសនៃភេសជ្ជៈដ៏ល្អគឺ ទឹកដូង។ អ្នកគួរតែផឹកទឹកដូងឱ្យបានញឹកញាប់ ព្រោះអង់ស៊ីមសកម្មនៅក្នុងទឹកដូង អាចជួយសម្រួលការរំលាយអាហារ និងបន្ថែមសមត្ថភាពដុតជាតិខ្លាញ់ និងមេតាបូលីសចេញពីរាងកាយ។