រ៉ូប ១០ ឈុត សុគន្ធ និសា ស្លៀកនេះ ទទួលបានការពេញនិយមបំផុត!

ឈុតសំលៀកបំពាក់ខ្មែរជាច្រើនឈុតស្លៀកដោយតារាចម្រៀង សុគន្ធ និសា បានទទួលការពេញនិយមខ្លាំងបំផុត។ នេះបើតាម​លោក អ៊ុំ សុផាន់នី ប្រាប់​មក​កាន់ ឡេឌីស៍។

លោក អ៊ុំ សុផាន់នី ឬ សុធានី គឺជាម្ចាស់​ហាងសំលៀកបំពាក់ “Sothea Ny Tailor” និងជាអ្នករចនាម៉ូតសំលៀកបំពាក់មានបទពិសោធន៍ ១៧ឆ្នាំផង។ លោកប្រាប់ថា លោកផ្ទាល់ គឺជាអ្នករចនាម៉ូតសំលៀកបំពាក់​ទាំងប៉ុន្មានក្នុងរូបភាព​ដែលស្លៀកតារាចម្រៀង សុគន្ធ និសា។

 

ឈុតទាំងអស់ដែលមានការពេញនិយមច្រើន សរុបមានជាង ១០ឆ្នាំ។ ចំពោះ​ម៉ូតនីមួយៗវិញ គឺម៉ូតខ្លះ ​ជាការច្នៃដោយគំនិតផ្ទាល់ខ្លួន តែមួយចំនួនទៀត គឺ​ជា​ការច្នៃច្របាច់បញ្ចូលគ្នារវាងគំនិតក្នុង និងក្រៅស្រុក។

 

ឆ្លងផុតមកប៉ុន្មានខែនេះ សមិទ្ធផលកើតចេញពីស្នាដៃរបស់លោកពាក់លើខ្លួនតារាចម្រៀងហង្សមាស គឺទទួលបានការពេញនិយមខ្លាំងមែនទែន។ លោក​ថា ថ្លែងថា “ម៉ូតហ្នឹងត្រូវបានគេយកទៅកាត់តាម ទាំងអតិថិជន និងជាងៗដូចគ្នា​យក​ទៅកាត់តាមច្រើន”។

 

ក្រៅពីនេះ ក៏មានភ្ញៀវជាច្រើនទៀតបានមកដល់ហាងរបស់លោកផ្ទាល់ ហើយធ្វើការកុម្ម៉ង់កាត់តាមលំនាំម៉ូតក្នុងចំណោមជាង ១០ឈុត​នោះ។ ក្រៅពី​ច្នៃម៉ូតសម្រាប់ សុគន្ធ នីសា លោក សុផាន់នី ឬ សុធានី ក៏ច្នៃសំលៀកបំពាក់ជាច្រើនទៀតមាន កែវ ចាន់និមល កុយ អេណា និង ផន ស្រីខួច ជា​ដើម៕