កក្រើកក្នុងវិស័យម៉ូដ Pierpaolo Piccioli ប្រកាសចាកចេញពី Valentino បន្ទាប់ពីរួមរស់ជាមួយគ្នារយៈពេល 25 ឆ្នាំ

បន្ទាប់ពីការប្រកាសដ៏ធំមួយកាលពីដើមសប្តាហ៍នេះថា Dries Van Noten នឹងលាឈប់ពីមុខតំណែងម៉ាកយីហោរបស់គាត់ បានធ្វើឲ្យមានការរង្គោះរង្គើមួយទៀតនៅក្នុងពិភពម៉ូដ។ ឥឡូវ Pierpaolo Piccioli កំពុងចុះចេញពីតំណែងនៅ Valentino ទៀត បន្ទាប់ពីកាន់តំណែងរយៈពេល 25 ឆ្នាំ។

អ្នករចនាបានសរសេរនៅលើ Instagram ថា “មិនមែនគ្រប់រឿងទាំងអស់សុទ្ធតែមានការចាប់ផ្តើម និងបញ្ចប់នោះទេ អ្នកខ្លះរស់នៅជាអំណោយដ៏អស់កល្បជានិច្ច ដែលចាំងពន្លឺខ្លាំង ខ្លាំងរហូតដល់វាគ្មានស្រមោល”។ “ខ្ញុំបាននៅក្នុងក្រុមហ៊ុននេះអស់រយៈពេល 25 ឆ្នាំហើយ ហើយ 25 ឆ្នាំមកនេះ ខ្ញុំបានរស់នៅ ជាមួយ​មនុស្សដែលបានផ្លាស់ប្ដូរ​ខ្ញុំជាមួយនឹងរឿងរ៉ាវ​ដ៏ល្អជាច្រើន ហើយជារបស់យើង​ទាំងអស់… បន្ទាប់ពីនេះ​ទៅ អ្វីដែលជាភាពស្រស់ស្អាត គឺជា ជីវិត ក្តីសង្ឃឹម ឱកាស និងការដឹងគុណ…”។

Piccioli with Maria Grazia Chiuri ក្នុងការបង្ហាញម៉ូដ Valentino រដូវស្លឹកឈើជ្រុះកាលពី 2016

Piccioli អញ្ជើញអ្នករចនារបស់គាត់ឱ្យចែករំលែកបទពិសោធន៍ចុងក្រោយនៅ Fall 2023/24។

Piccioli បានចូលពិភព Valentino ជាលើកដំបូងក្នុងឆ្នាំ 1999 ក្នុងនាមជាអ្នករចនាគ្រឿងបន្លាស់ជាមួយ Maria Grazia Chiuri ។ បន្ទាប់ពីការចូលនិវត្តន៍របស់ Valentino Garavani ក្នុងឆ្នាំ 2008 និងរយៈពេលមួយឆ្នាំរបស់ Alessandra Facchinetti ជានាយកច្នៃប្រឌិត Chiuri និង Piccioli ត្រូវបានតែងតាំងជាសហនាយកច្នៃប្រឌិត។ Piccioli បានក្លាយជានាយកច្នៃប្រឌិតតែមួយគត់របស់ Valentino នៅឆ្នាំ 2016 បន្ទាប់ពី Chiuri បានចាកចេញទៅ Dior ។ គាត់​កាន់​តំណែង​នេះ​តាំង​ពី​ពេល​នោះ​មក៕ townandcountrymag