ខ្មែរ
English
Maison Margiela បានរៀបចំការតាំងពិពណ៌ដ៏អស្ចារ្យ ចំនួន 3 ធំៗ ក្នុងទីក្រុងតូក្យូ ដែលមានទីតាំងនៅ Ebisu, Omotesando និង Ginza ដើម្បីបើកបង្ហាញអំពី Collection ម៉ូតសម្លៀកបំពាក់បែប Artisanal Haute Couture ឆ្នាំ 2024។
ការតាំងពិពណ៌នេះបានដឹកនាំ និងរៀបចំដោយកំពូលអ្នកច្នៃប្រឌិត លោក John Galliano ដោយច្របាច់រួមបញ្ចូលគ្នារវាងម៉ូត សិល្បៈ និងប្រពៃណី វប្បធម៌ចម្រុះ។ បន្ថែមពីនេះ Masion Margiela ក៏បានឆ្លុះបង្ហាញអំពីការសហការឆ្លងបន្ទាត់ព្រំដែនលើកដំបូងបំផុត ជាមួយ Kubo ផលិតករភាពយន្ត “BLEACH” ដើម្បីនាំមកនូវបទពិសោធន៍ដ៏ពិសេសដល់ទស្សនិកជនគ្រប់រូប។
- ការឆ្លងកាត់បន្ទាត់ព្រំដែននៃម៉ូតប្លែក បង្កប់ភាពស្រស់ឆើតឆាយ ស្អាតបំផុត
ចាប់តាំងពីលោក John Galliano ឈានជើងចូល Maison Margiela… លោកហាក់បញ្ចេញវេទមន្តពិសេសរាប់មិនអស់នៅលើម៉ាកនេះ ធ្វើឱ្យពិភពលោកភ្ញាក់ផ្អើលយ៉ាងខ្លាំងជាមួយនឹងស្នាដៃដ៏ពិសេសរបស់គាត់។ នៅក្នុងឆ្នាំ លោកបានពង្រីកកម្មវិធី Paris Haute Couture យ៉ាងទូលំទូលាយ បង្កការចាប់អារម្មណ៍នៅលើបណ្តាញអ៊ីនធឺណែតក្នុងទីក្រុងតូក្យូ។ ការតាំងពិព័រណ៍នេះ បានបង្កើតនូវទីកន្លែងនៃបទពិសោធន៍ពហុវិមាត្រ រួមបញ្ចូលទាំង ម៉ូត សិល្បៈ និងប្រពៃណី វប្បធម៌ ដែលអាចឱ្យទស្សនិកជនគ្រប់រូបទស្សនាផ្ទាល់ ហើយស្វែងយល់រាល់ព័ត៌មានលម្អិតផ្សេងៗ ។
សូមរម្លឹកថា Maison Margiela គឺជាផ្ទះម៉ូតសម្លៀកបំពាក់បែប Parisien ត្រូវបានបង្កើតឡើងដោយអ្នករចនាបែលហ្ស៊ិក Martin Margiela និង Jenny Meirens ក្នុងឆ្នាំ 1988 ទីក្រុងប៉ារីស ។ ផ្ទះម៉ូតដ៏ប្រណីតនេះ ត្រូវបានគេស្គាល់ ដោយសារការរចនាម៉ូត ដែលមានលក្ខណៈច្នៃប្រឌិតខ្ពស់ ឬ Avant-garde។
