ការសហការគ្នារវាង K-pop និងវិស័យរ៉េប៖ ‘Seven’ របស់ Jungkook

Jungkook ដែលជាសមាជិកក្រុម BTS បានចេញបទចម្រៀងទោលដំបូងរបស់គាត់ ‘Seven’ នៅថ្ងៃទី 24 ខែកក្កដា ឆ្នាំ 2023។ បទរបស់គាត់បានឈ្នះពានរង្វាន់ជាច្រើនដូចជា ‘MAMA’ និង ‘SMA’ ចាប់តាំងពីការចេញផ្សាយរបស់វា។ បទ​នេះ​ក៏​ទទួល​បាន​នូវភាពជោគជ័យ​យ៉ាង​ខ្លាំង​នៅ​លើ​តារាង Billboard ផ្សេង​ទៀត ដោយ​បាន​ជាប់​ចំណាត់​ថ្នាក់​លេខ​មួយ​នៅ​លើ ‘Golden Excl. U.S.’ សម្រាប់រយៈពេល 9 សប្តាហ៍ជាប់ៗគ្នា និងនៅលើ ‘Global 200’ សម្រាប់រយៈពេល 7 សប្តាហ៍ជាប់ៗគ្នា នេះបើយោងតាមគេហទំព័រ allkpop ។

ព្រឹត្តិការណ៍សំខាន់មួយទៀតត្រូវបានកើតឡើង បទចម្រៀងទោលរបស់ Jungkook ដែលមានចំណងជើងថា ‘Seven‘ ដែលសហការជាមួយនឹងតារារ៉េបអាមេរិក Latto បានកាន់កាប់តំណែងកំពូល បន្ទាប់ពី Complex បានចេញផ្សាយបញ្ជីកំពូល 15 របស់ខ្លួននៃការសហការរវាង K-pop និង Rap ល្អបំផុតគ្រប់ពេល។

Complex បាននិយាយថា “វាពិបាកក្នុងការស្រមៃមើលការសហការគ្នារវាង K-pop និងការរ៉េបដែលមានប្រសិទ្ធភាពជាងនេះទៅទៀត” ដោយបន្ថែមថា “Jungkook បានបង្ហាញពីបំណងប្រាថ្នាចង់នៅជាមួយគូស្នេហ៍របស់គាត់ជារៀងរាល់ថ្ងៃជាមួយនឹងសំលេងដ៏មានឥទ្ធពលរបស់គាត់ ខណៈដែល Latto បង្ហាញនូវបទចម្រៀងដ៏ស្វាហាប់ និងទាក់ទាញ។”