គម្រោងវិនិយោគចំនួន ២២ ដែលមានទុនសរុបជាង ៣០៩លានដុល្លារ ត្រូវបានអនុម័តក្នុងខែមេសាឆ្នាំនេះ

នៅក្នុងខែមេសា ឆ្នាំ២០២៤ គម្រោងវិនិយោគថ្មីចំនួន ២១គម្រោង និងគម្រោងពង្រីកផលិតកម្មចំនួន ១គម្រោង ដែលមានទុនវិនិយោគសរុបប្រមាណ ៣០៩លានដុល្លារអាម៉េរិក និងអាចបង្កើតការងារបានប្រមាណ ២៣ពាន់កន្លែង។

ក្នុងចំណោមគម្រោងវិនិយោគទាំង ២២ គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ចពិសេសមានចំនួន ១៤គម្រោង និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចពិសេសមានចំនួន ៨គម្រោង។

ចំពោះគម្រោងដែលមានភាពលេចធ្លោជាងគេប្រចាំខែមេសារួមាន៖ ក្រៅតំបន់សេដ្ឋកិច្ចពិសេស (គម្រោងវិនិយោគផលិតស្រោមជើង , ស្រោមដៃ , មួក , និង ស្បែកជើងពាក់ក្នុងផ្ទះ)។ ចំណែកក្នុងតំបន់សេដ្ឋកិច្ចពិសេស ( គម្រោងពង្រីកផលិតកម្មផលិតសំបកកង់យានយន្ត និងម៉ាស៊ីនភ្លើងទូប៊ីនចំហាយទឹក, គម្រោងផលិតបន្ទះហ្រ្វាំងគ្រប់ប្រភេទ, គ្រោងកែច្នៃអាលុយមីញ៉ូម)។

គួរគូសរំលេចផងដែរថា គម្រោងវិនិយោគនៅក្នុង ខែមេសា ឆ្នាំ២០២៤ នេះ គឺគម្រោងវិនិយោគមកពីប្រទេសចិនដែលស្ថិតនៅលំដាប់លេខរៀងទី១ ដោយបានរួមចំណែករហូតដល់ទៅប្រមាណ ៩៨% នៃទុនសរុប។