ឃីម ឌីម៉ា រងរបួសសរសៃ ACL ជាលើកទីពីរ

កីឡាករ ឃីម ឌីម៉ា គីជាកីឡាករដែលស្វិតហើយធន់ វាយបាយគ្រប់ទម្រង់ ទាំងគុនខ្មែរ និង MMA ចំពោះគុនខ្មែរ ប្រភេទគីឡូ ៦៣,៥​ វិញសឹងតែគ្មាន កីឡាករជួរមុខរូបណាម្នាក់ ដែលយកឈ្នះរូបគេបានឡើយ។

គួររំលឹកផងដែរថាកាលពី៦ឆ្នាំមុន ឃីម ឌីម៉ា ​ គេក៏ធ្លាប់មានបញ្ហាវះកាត់សរសៃជង្គងម្តង់រួចមកហើយដែរ ក្រោយពីការប្រកួតជាមួយនឹងកីឡាករថៃដូចគ្នា ​កាលពីថ្ងៃទី០២ ខែមិថុនា​ ឆ្នាំ២០១៩ នៅស្ថានីយ៍ទូរទស្សន៍អាស៊ីអាគ្នេយ៍។

តែដោយមានឆន្ទៈជាអ្នកប្រយុទ្ធគុនខ្មែរ និងការស្រលាញ់ផង រូបគេក៏វិលចូលសង្វៀនវិញ មួយរយៈក្រោយមក កីឡាកររូបនេះតែងតែធ្វើអោយអ្នកគាំទ្រ មិនខកបំណងក្នុងការតាមដានទស្សនាការប្រកួតរបស់គេនោះទេ។

ទើបតែពីរប្រកួតចុងក្រោយរបស់គេដែលជាលទ្ធផលជួបនឹងកីឡាករ មកពីអាហ្រ្វិក (NCEDO COMBA) ចាញ់ដោយពន្ទុ បាត់បង់ខ្សែក្រវ៉ាត់ Krud Kunkhmer មួយគ្រឿង។

សម្រាប់ប្រកួតចុងក្រោយកាលពីថ្ងៃសៅរ៍ ទី២១​ ខែកញ្ញា ឆ្នាំ២០២៤កន្លងទៅថ្មីៗ នេះប៉ះនឹងកីឡាករថៃ ឃុន សងខ្វែល​​ កម្មវិធី Krud​ Kunkhmer​ ហើយនៅទឹកទីពីរូបគេក៏មានបញ្ហាត្រង់ជង្គង់ម្តងទៀត។

បើតាមការបញ្ជាក់ពីលោកគ្រូ ហេង ប៊ុនឃីម ជាគ្រូបង្ហាត់ និងជាឪពុងផងនោះ​ ថាបើតាមមើលស្ថានភាពអាការៈរបួសរបស់ ឌីម៉ា គឺត្រូវបញ្ចប់ត្រឹមនេះហើយ ព្រោះមើលតាមវ័យគាត់ និងរយៈពេលពីការព្យាបាលរបួសទៀតគឺមិនអាចបន្តទៀតបានទេ៕