ខ្មែរ
English
ចាប់ផ្តើមដំណើរកំសាន្តវិស្សមកាលពោរពេញទៅដោយភាពរីករាយ និងមានន័យបំផុតជាមួយការជ្រើសរើសសណ្ឋាគារលំដាបប្រចាំតំបន់ក្នុងការស្នាក់នៅ ដើម្បីធ្វើឱ្យអ្នកទទួលបាននូវបទពិសោធន៍រាត្រីដ៏អស្ចារ្យ។ ថ្ងៃឈប់សម្រាកបន្ទាប់របស់អ្នកត្រូវចងចាំនៅសណ្ឋាគារពិសេសមួយក្នុងចំណោមសណ្ឋាគារប្លែកៗទាំងនេះ និងការស្នាក់នៅដ៏អស្ចារ្យនៅអាស៊ី។
ខាងក្រោមនេះ ជាជម្រើសសណ្ឋាគារដែលផ្តល់នូវអារម្មណ៍ប្លែកៗដល់ភ្ញៀវទេសចរក្នុងការទទួលបានបទពិសោធន៍ថ្មីអំពីដំណើរកំសាន្តវិសម្សកាល។
Villa Alam Mountain — Ubud, Bali, Indonesia
សូមណែនាំ “Villa Alam Mountain” គឺជារីសតបែបបឹងហ្គាឡូ ដែលមានបន្ទប់គេងពីរដ៏ស្រស់ស្អាតនៅចំកណ្តាលកោះបាលី មានទីតាំងស្ថិតនៅភូមិអាយុ 350 ឆ្នាំ បង្កប់នូវប្រពៃណីវប្បធម៌ដ៏សម្បូរបែបរបស់ជនជាតិឥណ្ឌូនេស៊ី។ កន្លែងនេះសាកសមល្អឥតខ្ចោះសម្រាប់អ្នកនិយមស្រឡាញ់ធម្មជាតិ និងប្រវត្តិសាស្ត្រពិត អ្នកនឹងអាចទស្សនាដោយផ្ទាល់អំពីផ្លូវឡើងភ្នំ និងទិដ្ឋភាពដ៏ស្រស់ស្អាតនៃព្រៃឈើ វាលស្រែ ទឹកធ្លាក់ និងភ្នំបណ្តាក់ៗគ្នា ពិតជាស្រស់ស្អាតណាស់។
Avana Retreat — Hoa Binh Vietnam
មានផ្ទៃដីធំលាតសន្ធឹង 15 ហិកតា គឺជាកន្លែងលំហែរកាយបែបព្រៃភ្នំអេកូដ៏ប្រណិត ដែលកំណត់ឡើងវិញនៅពេលមានការជួបប្រទះនូវភាពស្រស់ស្អាតមួយគ្របដណ្តប់លើជ្រលងភ្នំ Mai Chau ។ វាត្រូវបានហ៊ុំព័ទ្ធដោយព្រៃឈើ វាលស្រែ ភ្នំ និងជ្រលងទឹកធ្លាក់ នេះជាជម្រើសដ៏សាកសមសម្រាប់អ្នកចូលចិត្តធ្វើដំណើរកំសាន្តបែបផ្សងព្រេង។
LUX* Chongzuo — Guangxi, China
មានទីតាំងស្ថិតនៅលើច្រាំងទន្លេ Mingshi ជាព្រំប្រទល់នៃប្រទេសចិន និងប្រទេសវៀតណាម។ LUX* Chongzuo គឺជារមណីយដ្ឋានប្រណីតត្រូពិចដែលមានឥទ្ធិពលចម្រុះនៃធម្មជាតិដ៏គួរឱ្យចាប់អារម្មណ៍។ សួនច្បារខៀវស្រងាត់ ស្រស់ស្អាត និងទម្រង់ភ្នំថ្ម karst នៅចំពីមុនហាក់បំផុសគំនិតភ្ញៀវទេសចរអំពីភាពគង់វង្សយូរអង្វែងរបស់ធម្មជាតិ បន្ថែមជាមួយអាងហែលទឹកប្រវែង 35 ម៉ែត្រ ដែលអ្នកអាចទទួលបានបទពិសោធន៍ថ្មីៗ។
Koshu Nishiyama Hot Spring, Keiunkan — Yamanashi, Japan
ទីកន្លែងនេះត្រូវបានគេដាក់ឈ្មោះឱ្យថា “សណ្ឋាគារប្រវត្តិសាស្ត្រចំណាស់បំផុតរបស់ពិភពលោក” ដោយសៀវភៅកំណត់ត្រាពិភពលោក Guinness, Koshu Nishiyama Hot Spring, Keiunkan ដែលមានប្រវត្តិជាង 1,300 ឆ្នាំ និងជាប្រភពនៃលំហូរទឹកក្តៅឧណ្ណៗហូរពីភ្នំធម្មជាតិ។ វាមានទីតាំងស្ថិតនៅជាប់ជើងភ្នំអាល់ជប៉ុនខាងត្បូង ក្នុងខេត្ត Yamanashi ជាកន្លែងដ៏ស្ងប់ស្ងាត់បំផុត និងជាជម្រើសដ៏ល្អសម្រាប់អ្នកចូលចិត្តេភាពស្ងប់ស្ងាត់នៃព្រៃភ្នំ។ ធ្វើឱ្យវាត្រូវតែទៅទស្សនា ប្រសិនបើអ្នកកំពុងស្វែងរកកន្លែងកម្សាន្តដ៏ស្ងប់ស្ងាត់បំផុត។
La Lanna Resort — Chiang Mai, Thailand
La Lanna មានទីតាំងនៅខេត្តឈៀងម៉ៃ ប្រទេសថៃ គឺជាសណ្ឋាគារលំដាប់ផ្កាយ 4 មានសម្រស់ស្រស់ស្អាត និងផ្តល់ផាកសុកភាពដល់ភ្ញៀវទេសចរជាមួយទេសភាពព្រៃភ្នំរុំព័ទ្ធសងខាង។ បន្ថែមពីនោះ មានអាងទឹក jacuzzi ឯកជនស្ថិតនៅក្នុងសួនផ្កាបៃតងស្រស់នៃខាងក្រៅបន្ទប់។
