តោះ! ទស្សនារូបភាពដ៏ទាក់ភ្នែកនៃឈុតសម្លៀកបំពាក់របស់ Taylor Swift ក្នុងកម្មវិធី Eras Tour Weekend

Taylor Swift បានបង្ហាញខ្លួននៅក្នុងប្រទេសសិង្ហបុរីដើម្បីធ្វើការប្រគំតន្រ្តី Eras Tour Weekend នៅពហុកីឡដ្ឋានជាតិនៃប្រទេសសិង្ហបុរី។ ការប្រគំតន្រ្តីមានរយៈពេល ៦ យប់ ចាប់ពីថ្ងៃទី 2 ដល់ថ្ងៃទី 9 ខែមីនា ឆ្នាំ 2024។

នៅយប់ថ្ងៃដំបូងនៃការសម្តែង Eras Tour Weekend នាងនិយាយលើកឡើងនៅលើឆាកពោរពេញទៅដោយទស្សនិកជនថា “ឪពុកម្តាយខ្ញុំតែងតែចំណាយពេលកុមារភាពជាមួយខ្ញុំរៀងរាល់ពេលវិស្សមកាលនៅប្រទេសសិង្ហបុរីជាញឹកញាប់” នាងបានបន្តទៀតថា “ពួកយើងឧស្សាហ៍មកទីនេះលេងកម្សាន្ត ដូច្នេះទើបខ្ញុំស្គាល់ប្រទេសសិង្ហបុរីពេញមួយដំណើរជីវិតរបស់ខ្ញុំ”។

ចំពោះការតុបតែងខ្លួនប្រាណជាមួយ Style សម្លៀកបំពាក់ក្នុងការត្រៀមឡើងនៅលើឈុតឆាកប្រគំតន្រី្តដ៏ឧឡារិក Eras Tour Weekend បានរុញច្រានឱ្យ Taylor លើកឡើងបន្ថែមទៀតថា “ខ្ញុំមកទីនេះ ដើម្បីធ្វើឱ្យទស្សនិកជនទទួលបាននូវរាត្រីដ៏អស្ចារ្យជាមួយអាល់ប៊ុមចម្រៀងរបស់ខ្ញុំ… អមជាមួយអ្នកគាំទ្ររបស់ខ្ញុំដែលពួកគេមានការតុបតែងខ្លួន លេង Style ស្អាតទៅតាមចំណូលចិត្តរបស់ពួកគេនៅក្នុងកម្មវិធីដ៏ធំនេះ”។