ខ្មែរ
English
LV The Place Bangkok នឹងអនុញ្ញាតដល់ភ្ញៀវទាំងអស់ទទួលបាននូវបទពិសោធន៍ថ្មី បរិយាកាសប្រៀបដូចនៅក្នុងសុបិន ដោយរចនាប័ទ្មខាងមុខហាងមានអមនឹងរូបរាងត្បូងពេជ្រយក្ស ដែលបំភ្លឺដល់ផ្លូវដើរនៅពេលរាត្រី រីឯនៅខាងក្នុងហាង ភ្ញៀវគ្រប់រូបរីករាយជាមួយការរួមបញ្ចូលទំនិញ LV ប្រណីតគ្រប់មុខ ហាងកាហ្វេ ភោជនីយដ្ឋាន និងមជ្ឈមណ្ឌលបង្ហាញវប្បធម៌។
LV The Place ជាហាងដែលមានការតាំងពិពណ៌ដ៏អស្ចារ្យ រួមទាំងសិល្បៈវប្បធម៌ និងមានហាងកាហ្វេ ព្រមភោជនីយដ្ឋានពីមេចុងភៅដ៏ល្បីល្បាញ ឈ្មោះ “Gaggan Anand”…នៅទីកន្លែងនេះបានអញ្ជើញអ្នកទស្សនាឱ្យស្វែងយល់ពីភាពធំទូលាយនៃការស្រមើលស្រមៃ និងជាការបង្កើតផ្ទះម៉ូដប្រណីតដ៏អស្ចារ្យ។
នៅជាន់ផ្ទាល់ដីមានហាង Le Café Louis Vuitton បានបញ្ចេញនូវបរិយាកាសធម្មជាតិខៀវស្រងាត់ដែលរួមបញ្ចូលធាតុផ្សំនៃការរចនាបែបរុក្ខសាស្ត្រជាមួយនឹងព័ត៌មានលម្អិតអំពី “Maison” ចាប់ពីជាន់ Parquet Monogram រហូតដល់គ្រឿងសង្ហារឹមរូបតំណាង Objets Nomades។
នៅក្នុងហាងកាហ្វេមានមីនុយជាច្រើនដូចជា នំខេក នំ Tart នំ Parfait និង ការ៉េមរសជាតិជាច្រើន ដែលនំនីមួយៗមានការតុបតែងជាហត្ថលេខារបស់ Louis Vuitton។
ចំពោះភោជនីយដ្ឋានដែលដឹកនាំដោយកំពូលមេចុងភៅជនជាតិឥណ្ឌាដ៏ល្បី ឈ្មោះ Gaggan Anand នៅក្នុង LV The Place Bangkok មានការរៀបចំឈុតអាហារពិសេសចំពោះភ្ញៀវ គឺ “Food Journey” សម្រាប់អំឡុងពេលអាហារថ្ងៃត្រង់ និងអាហារពេលល្ងាច។
ភោជនីយដ្ឋានអាហារដ៏ល្អឯកនេះ មានការរៀបចំដោយតុថ្មម៉ាបអ៊ីតាលីចំនួន 10 បរិយាកាសហាងស្ងប់ស្ងាត់ និងភ្ញៀវគ្រប់គ្នាប្រាកដជាទទួលសាកនូវមុខម្ហូបអាហារផ្អែកលើរសជាតិទាំង 5 គឺ – ផ្អែម ជូរ ប្រៃ ហឹរ និងឱជារសឆ្ងាញ់ពិសា។
មានផ្ទះទំនិញប្រណីត LV ដែលផ្តល់នូវបទពិសោធន៍នៃការទិញទំនិញដ៏ទំនើបទាន់សម័យ។ រាប់ចាប់ពីផលិតផល LV ទាំងបុរស និងស្រ្តី រួចបន្ថែមគ្រឿងសង្ហារឹមបែបបុរាណច្របាច់បញ្ចូលស្នាដៃសិល្បៈចម្រុះពណ៌ រៀបចំឡើងដើម្បីទាក់ទាញការយល់ឃើញអំពីតម្លៃពិតប្រាកដនៃ LV ពីអតិថិជនទៅលើរចនាប័ទ្ម។
ការតាំងពិពណ៌វិចិត្រសាលក៏មាននៅទីនេះដែល ជាមួយនឹងស្នាដៃពីវិចិត្រករថៃ និងវិចិត្រករអន្តរជាតិបានរចនាផ្ទាំងសិល្បៈហោះជុំវិញលំហអាកាស ដែលជាការបង្ហាញអំពីភាពរស់រវើកនៃទីក្រុងបាងកកជាមួយនឹងភ្លើងឆ្លងវប្បធម៌ ប្រៀបដូច LV The Place Bangkok កំពុងពង្រីកចក្ខុវិស័យជាសកលប្រកបដោយមហិច្ឆតា មានឈ្មោះថា “លំហ Louis Vuitton នាពេលអនាគត”។
