ទំនាក់ទំនងរវាងសុខភាពផ្លូវចិត្ត និងសុខភាពរាងកាយ

សុខភាពផ្លូវចិត្តបានដើរតួនាទីយ៉ាងសំខាន់ក្នុងការកំណត់សុខុមាលភាពទូទៅ… ហើយវាពិតជាមានទំនាក់ទំនងគ្នាយ៉ាងជិតស្និទ្ធទៅនឹងសុខភាពរាងកាយ។

កាលណាអ្នកមានស្ថានភាពផ្លូវចិត្តល្អ អ្នកនឹងអាចរក្សាបាននូវសុខភាពល្អ ព្រមទាំងជួយការពារការកើតមានស្ថានភាពជំងឺរ៉ាំរ៉ៃធ្ងន់ធ្ងរមួយចំនួន។
ការសិក្សាជាច្រើនបានរកឃើញថា សុខុមាលភាពផ្លូវចិត្តដែលល្អ មានអាចកាត់បន្ថយហានិភ័យនៃជំងឺគាំងបេះដូង និងជំងឺដាច់សរសៃឈាមខួរក្បាល។ម្យ៉ាងវិញទៀត សុខភាពផ្លូវចិត្តមិនល្អអាចនាំឱ្យសុខភាពរាងកាយមិនល្អ ឬអាកប្បកិរិយាបង្កគ្រោះថ្នាក់។

លើសពីនេះទៅទៀត អ្នកជំងឺបាក់ទឹកចិត្តនឹងត្រូវប្រឈមជាមួយជំងឺរ៉ាំរ៉ៃជាច្រើន រួមមានដូចជា ជំងឺទឹកនោមផ្អែម ជំងឺលើសឈាម ជំងឺច្រាលអាស៊ីតក្រពះ-បំពង់អាហារ ជំងឺហឺត ជំងឺមហារីក ជំងឺសរសៃឈាមបេះដូង និងជំងឺរលាកសន្លាក់។
យោងតាមរបាយការណ៍របស់ មន្ទីរពេទ្យ Apollo សុខភាពជាតិ 2024 បានបង្ហាញឱ្យឃើញថា បុគ្គលដែលមានភាពតានតឹងរ៉ាំរ៉ៃ មានហានិភ័យកើនឡើងចំនួន 2 ទៅ 3 ដងនៃការវិវត្តជំងឺទឹកនោមផ្អែម និង 1.5 ដងទំនងជាការវិវត្តនៃជំងឺលើសឈាម – ជាពិសេសស្ត្រីងាយរងគ្រោះខ្លាំង។

ក្នុងចំណោមមនុស្ស 11,000 នាក់ ត្រូវបានស្ទង់មតិថា ស្ទើរតែ 80% នៃមនុស្សវ័យជំទង់ (អាយុចន្លោះពី 18-30 ឆ្នាំ) និងមនុស្សវ័យចំណាស់ (> 65 ឆ្នាំឡើយទៅ) បានរាយការណ៍ពីកម្រិតស្ត្រេស។

រីឯ ជំងឺពាក់ព័ន្ធនឹងសរសៃប្រសាទវិញ ក៏ត្រូវបានផ្សារភ្ជាប់ក្នុងហានិភ័យខ្ពស់ផងដែរ ជាពិសេសប្រឈមនឹង ជំងីវិកលចរិក ជំងឺបាត់បង់ការចងចាំ ឧស្សាហ៍ភ្លេចភ្លាំង វង្វេងវង្វាន់ ពេលខ្លះសឹងតែមិនចាំអ្វីទាល់សោះ… សូមកុំភ្លេចឱ្យសោះភាពតានតឹងនៃសុខភាពផ្លូវចិត្តក៏ជះឥទ្ធិពលដល់ ផ្លូវដង្ហើមផងដែរ ដោយមានអាការៈថប់ៗដង្ហើម ដង្ហើមវែងខ្លីៗ និងអាចឈានចូលដល់ Stroke ។

របាយការណ៍មរណៈភាពបានបង្ហាញឱ្យឃើញថា មរណៈភាពនៃអ្នកជំងឺមហារីក និងអ្នកជំងឺបេះដូងដែលមានស្ថានភាពផ្លូវចិត្តមិនល្អ មានអាត្រាខ្ពស់ជាងអ្នកជំងឺដែលមានស្ថានភាពផ្លូវចិត្តល្អប្រសើរ ព្រោះពួកគេតែងមានទឹកចិត្តតស៊ូនឹងការព្យាបាល ដោយផ្តល់ទស្សនៈឱ្យខ្លួនឯងថា “ខ្ញុំត្រូវតែជាសះស្បើយ ខ្ញុំត្រូវរស់បន្តទៀត”។

ជំងឺស្បែក Psoriasis ដែលវាគឺជាជំងឺសើស្បែកដែលសម្គាល់ដោយដំបៅក្រហមឈឺចាប់ ស្បែករបកក្រហម នៅលើបរិវេណស្បែកនៃរាងកាយទាំងមូល។ ជំងឺសើរស្បែកនេះ ត្រូវបានផ្សារភ្ជាប់ជាមួយនឹងស្ត្រេស និងជំងឺបាក់ទឹកចិត្ត។

បន្ថែមពីនេះ ចំពោះអ្នកដែលមានស្ថានភាពសុខភាពផ្លូវចិត្តខ្សោយ ឬកើតមានវិបត្តិផ្លូវចិត្ត ប្រហែល 50% ទៅ 80% តែងជួបប្រទះបញ្ហានៃការគេង ដូចជាការគេងមិនលក់ ឬការគេងមិនស្រណុក រសាប់រសល់ តែងភ្ញាក់ពាក់កណ្តាលដំណេក ដែលវាប៉ះពាល់ដល់ឥរិយាបថមួយថ្ងៃពេញយ៉ាងខ្លាំង ពោលគឺងងុយគេង អស់កម្លាំង ឬគ្មានកម្លាំងកំហែង។

អ្នកទាំងអស់គ្នាធ្លាប់សង្កេតឃើញអត់ថា មនុស្សដែលមានវិបត្តិផ្លូវតែងជ្រើសយក ការជក់បារី ដើម្បីបំបាត់ស្រេ្តស! នេះក៏ដោយសារតែ អ្នកដែលមានជំងឺបាក់ទឹកចិត្ត មានកម្រិតសារធាតុ Dopamine ទាប ហើយសារធាតុ Dopamine នេះមានឥទ្ធិពលលើអារម្មណ៍វិជ្ជមាននៅក្នុងខួរក្បាល។

ជាតិនីកូទីននៅក្នុងបារីអាចបង្កឱ្យមានការផលិតសារធាតុ Dopamine ដូច្នេះការជក់បារី អាចត្រូវបានគេប្រើជាមធ្យោបាយមួយ ដើម្បីបំបាត់រោគសញ្ញានៃជំងឺធ្លាក់ទឹកចិត្ត។ ទោះជាយ៉ាងណាក៏ដោយ សារជាតិនីកូទីនបានផ្តល់ភាពធូរស្រាលដល់អារម្មណ៍បណ្តោះអាសន្នតែប៉ុណ្ណោះ យូរៗទៅវានឹងធ្វើឱ្យអ្នកកើតមានអារម្មណ៍ញៀន មិនអាចខ្វះបាន។

• បញ្ហាប្រឈមសុខភាពទូទៅចំពោះស្ត្រីមានវិបត្តិស្ថានភាពផ្លូវចិត្ត

ស្ត្រីប្រឈមមុខនឹងបញ្ហាច្រើន ដោយខួរក្បាលរបស់ស្ត្រីត្រូវបានប៉ះពាល់ទៅនឹងការផ្លាស់ប្តូរចង្វាក់ និងវដ្តរដូវរយៈពេលវែងនៅក្នុងអរម៉ូនភេទ Estrogen និង Progesterone ចាប់ពីពេញវ័យរហូតដល់អស់រដូវ។ អ័រម៉ូនទាំងនេះមានឥទ្ធិពល Neuromodulatory ហើយត្រូវបានបង្ហាញដើម្បីរៀបចំអារម្មណ៍របស់ស្ត្រី។ ការសិក្សាបង្ហាញថា អ័រម៉ូនភេទដែលប្រែប្រួល ជាពិសេសអំឡុងពេលក្រោយសម្រាល អស់រដូវ និងលក្ខខណ្ឌដូចជាជំងឺមុនមករដូវ (PMDD) បង្កើនហានិភ័យនៃជំងឺធ្លាក់ទឹកចិត្ត និងការថប់បារម្ភចំពោះស្ត្រី។