ខ្មែរ
English
ប្រហែលជាអ្នកធ្លាប់ធ្វើដំណើរកំសាន្តតាមបែបធម្មតារួចមកហើយ តស់! បង្វែរអារម្មណ៍ចាប់យកដំណើរកំសាន្តទៅវិស្សមកាលតាមបែបកីឡាម្តង ដោយចូលរួមការរត់ម៉ារ៉ាតុងនៅតំបន់ដ៏ស្រស់ស្អាតទាំង 5 អមជាមួយព្រៃព្រឹក្សា ទេសភាពប្លែកភ្នែក។
ការរត់ម៉ារ៉ាតុង នៅក្នុងអាណាចក្រកីឡាបានក្លាយទៅជាការខិតខំប្រឹងប្រែងប្រចាំថ្ងៃដ៏ពេញនិយម។ មិនថាជាការប្រកួតប្រជែង ឬគ្រាន់តែជាការកំសាន្តផ្នែករាងកាយនោះទេ ពួកគេផ្តល់ឱកាសដល់អ្នក ដើម្បីស្វែងរកទីកន្លែងស្រស់ត្រកាល និងវប្បធម៌ថ្មីៗពីទស្សនៈប្លែកៗ។
ខាងក្រោមនេះ ជាការរត់ម៉ារ៉ាតុងដ៏ល្អបំផុតទាំង 5 ក្នុងប្រទេសមួយចំនួននៃតំបន់អាស៊ី ៖
Angkor Wat, Cambodia
នៅពេលរដូវរងាឈានចូលមកដល់ ខេត្តសៀមរាបនៃប្រទេសកម្ពុជា មានព្រឹត្តិការណ៍រត់ម៉ារ៉ាតុង “អង្គរវត្ត” ។ ព្រឹត្តិការណ៍ប្រចាំឆ្នាំនេះបានទាក់ទាញអត្តពលិករាប់ពាន់នាក់ទូទាំងពិភពលោកចូលរួមប្រណាំងដោយស្ថិតនៅទីតាំងប្រវត្តិសាស្ត្រដ៏ល្បីល្បាញ។
ធ្វើការចាប់ផ្តើមនៅ ខែធ្នូ ដោយការរត់ម៉ារ៉ាតុងនេះផ្តល់ឱកាសទស្សនាភាពអស្ចារ្យនៃស្ថាបត្យកម្មបេតិកភណ្ឌពិភពលោក គឺ “ប្រាសាទអង្គរវត្ត” ។ អ្នករត់ប្រណាំងនឹងរត់តាមផ្លូវកោងកាត់ប្រាសាទបុរាណ រួមមានប្រាសាទអង្គរវត្ត ប្រាសាទបាយ័ន និងប្រាសាទតាព្រហ្ម ហាក់បង្ហាញអំពីភាពអស្ចារ្យនៃអរិយធម៌ខ្មែរបុរាណនៅក្នុងបរិយាកាសដ៏ស្រស់បំព្រងអមដោយព្រៃព្រឹក្សា។
Taroko Gorge, Taiwan
នៅក្នុងខែវិច្ឆិកា ឧទ្យានជាតិ Taroko នៃកោះតៃវ៉ាន់បានរៀបចំការរត់ម៉ារ៉ាតុង “Taroko Gorge” ។ ព្រឹត្តិការណ៍ប្រចាំឆ្នាំនេះរួមបញ្ចូលគ្នានូវភាពត្រចះត្រចង់ពីសម្បត្តិធម្មជាតិដែលផ្តល់នូវបទពិសោធន៍មិនអាចបំភ្លេចបាន។
ដោយវាចាប់ផ្តើមពីការរត់លើផ្លូវកៅស៊ូរលោង រហូតដល់អ្នកនឹងត្រូវរត់ឆ្លងកាត់ផ្លូវរដិបរដុប ព្រមទាំងផ្លូវរូងក្រោមដីអាថ៌កំបាំង។ នៅតាមផ្លូវ ពួកគេនឹងជួបប្រទះទីកន្លែងមួយចំនួនដូចជា ទីសក្ការៈបូជានិទាឃរដូវ ស្វាវ៉ូហ្គ្រូតូ ផ្លូវរូងក្រោមដី 9 វេន ច្រាំងថ្មចោទ ទឹកធ្លាក់ល្បាក់ និងរុក្ខជាតិបៃតងខៀវស្រងាត់បង្កើតជាទិដ្ឋភាពដ៏អស្ចារ្យ។
The Great Wall, China
ប្រហែលនេះជាការប្រកួតរត់ម៉ារ៉ាតុងដ៏លំបាកបំផុតមួយនៅលើពិភពលោក… នៅក្នុងខែឧសភា ខណៈដែលនិទាឃរដូវបញ្ចេញពន្លឺដ៏កក់ក្តៅក្នុងប្រទេសចិន ការរត់ម៉ារ៉ាតុងមហាកំផែងបានប្រព្រឹត្តឡើងនៅខេត្ត Hebei ។
អ្នករត់ប្រណាំងត្រូវប្រឈមមុខនឹងភារកិច្ចយកឈ្នះលើការរត់ 5,164 ជំហាន ដើម្បីទៅកាន់កំពូលនៃមហាកំផែងចិន។
Bali Marathon, Indonesia
ដោយចាប់ផ្តើមពីក្រុង Denpasar បាលីម៉ារ៉ាតុងនឹងនាំអ្នករត់ឆ្លងកាត់វាលស្រែដ៏ខៀវស្រងាត់ ព្រៃធម្មជាតិក្រាស់ និងឆ្នេរខ្សាច់សក្បុស។ ជំហាននីមួយៗបានបើកបង្ហាញអំពីពីសម្រស់ធម្មជាតិ រួមទាំងបេតិកភណ្ឌវប្បធម៌របស់កោះនេះ។
វាជាការប្រារព្ធពិធីវប្បធម៌ ដោយអ្នកចូលរួម និងអ្នកទស្សនាអាចរីករាយជាមួយតន្ត្រីប្រពៃណី និងការសម្តែងរបាំ ភ្លក់អាហារក្នុងស្រុក និងទទួលបានបទពិសោធន៍នៃការបដិសណ្ឋារកិច្ចដ៏កក់ក្តៅរបស់ប្រជាជនបាលី។
Tokyo, Japan
ជារៀងរាល់ខែមីនា ទីក្រុងតូក្យូបានរៀបចំព្រឹត្តិការណ៍កីឡា គឺ Tokyo Marathon ដែលត្រូវបានទទួលស្គាល់ថាជាការប្រកួតប្រណាំងដ៏មានកិត្យានុភាពបំផុតរបស់ពិភពលោក វាបានទាក់ទាញអ្នករត់រាប់ម៉ឺននាក់ជាលក្ខណៈអន្តរជាតិ។
អ្នករត់ប្រណាំងអាចផ្តល់ឰឱកាសឱ្យខ្លួនឯងជ្រមុជខ្លួនចូលទៅក្នុងវប្បធម៌ជនជាតិជប៉ុន ចាប់ផ្តើមដំបូងនៅជិតអគាររដ្ឋាភិបាលទីក្រុងតូក្យូ បន្តឆ្លងកាត់សង្កាត់ចម្រុះ ដែលមានទីតាំងសំខាន់ៗដូចជា ព្រះបរមរាជវាំង “Tokyo Skytree” និងផ្លូវ Shibuya។
