ខ្មែរ
English
រដូវកាល Christmas មកដល់ហើយ! ឡេឌីស៍ ជឿជាក់ថា នេះគឺជាពេលវេលាដ៏រីករាយបំផុតប្រចាំឆ្នាំ ដូច្នេះហើយ អ្នកគួរតែចេះលេងស្ទីលសម្លៀកបំពាក់ដោយភាពជឿជាក់ ស្រស់ស្អាត មិនថានៅក្នុងកាលៈទេសៈណា ទោះជាការជួបជុំអាហារពេលល្ងាចជាមួយក្រុមគ្រួសារ ឬចូលរួមកម្មវិធីជប់លៀង ឬ គ្រាន់តែចង់សម្រាកនៅផ្ទះដ៏កក់ក្ដៅរបស់អ្នក …។
ស្ទីលរៀបចំខ្លួនសម្រាប់ការជួបជុំញ៉ាំអាហារល្ងាចដ៏សមញ្ញ អ្នកអាចជ្រើសជម្រើសអាវយឺត ឬ អាវចាក់ (Knitwear) ពណ៌ក្រហម បៃតង ឬពណ៌សាច់ ដែលមានរំលេចរូប តំណាងឲ្យពិធីបុណ្យណូអែល – Christmas លេងស្ទីលជាមួយ ខោខូវប៊យ និងស្បែកជើងកវែង (Boots) ក៏មើលទៅពិតជាសាកសមខ្លាំងណាស់ ម្យ៉ាងការលេងស្ទីលបែបនេះក៏អាចរក្សាភាពកក់ក្តៅ ប្រសិនបើអ្នកអង្គុយទីវាលដូចជាស្កាយបា ដែលមានខ្យល់ត្រជាក់ៗផងនោះ។
ប្រសិនបើអ្នកចង់របៀបបែបហឹរ សម្រាប់ការជួបជុំបរិភោគអាហារជុំគ្នា នៅក្នុងគេហដ្ឋានផ្ទាល់ខ្លួន អ្នកអាចជ្រើស “Ugly Christmas Sweater” ដែលជាប្រភេទអាវធ្វើពីរោមចៀម ពណ៌ក្រឡេក្រឡា និងមានរចនាប័ទ្មប្លែកខុសគេ លេងស្ទីលជាមួយខោ ឬ សំពត់ខ្លីខើចបន្តិច ក៏បង្ហាញពីភាពស៊ីវិល័យឥតខ្ចោះរបស់អ្នកផងដែរ។
នារីជាច្រើន ហាក់ចង់លេងស្ទីល រ៉ូប Christmas ដែលមានពណ៌ក្រហមឆ្អិនឆ្អៅ ដើម្បីបញ្ចេញមន្តស្នេហ៍ទៅកាន់មនុស្សជុំវិញខ្លួន ក៏ប៉ុន្តែ ពណ៌ក្រហមសឹងតែរាល់ឆ្នាំ វាបានប្រែទៅជាពណ៌ម៉ូតបុរាណហើយ។ សាកជ្រើសពណ៌រ៉ូបពេញនិយមថ្មីៗនេះ ដូចជាពណ៌ ស្វាយដិត(Velvet) ឬពណ៌ផ្កាឈូក ដែលបង្កប់ដោយភាពថ្លៃថ្នូរ និងទាក់ទាញម្តងវិញលមើល៍។ អ្នកអាចបន្ថែមគ្រឿងអលង្ការលម្អ ដែលមានភាពចែងចាំង ភ្លឺផ្លេក បែបខ្ជូតៗ នោះវានឹងបង្កើនសម្រស់របស់អ្នកមួយកម្រិតទៀត។
ប្រសិនបើជាកម្មវិធីបែបរ៉ូមែនទិច គួរកុំភ្លេចរ៉ូបឬអាវពណ៌ខ្មៅដៃតូច រើសប្រភេទបែប សិចស៊ី បន្តិច ផ្គួប
ជាមួយ សំពត់ក្រោមក្បាលជង្គង់បន្តិច ពាក់អាវធំសំរុងវែងពីលើ គឺពិតជាសាកសមឥតខ្ចោះសម្រាប់សុភាពនារីដែលមានវ័យកណ្តាល។ អ្នកអាចជ្រើសលេងស្ទីលសំពត់ពណ៌ស ជាមួយអាវធំខាងក្រៅ និងស្បែកជើងកវែង (Boots) ដើម្បីឆ្លុះបញ្ចាំងពីសម្រស់ដ៏ទាក់ទាញមិនចេះចប់របស់អ្នក។
ប្រសិនបើអ្នកមិនចង់ចេញទៅណា ចង់ចំណាយពេលនៅផ្ទះ អ្នកអាចស្លៀកឈុតគេងសាច់ក្រណាត់ដែលមានលាយការរចនាម៉ូតលំនាំបែប Christmas អង្គុយជជែកលេងជាមួយមនុស្សដែលអ្នកស្រលាញ់ ក៏បង្កើននូវអារម្មណ៍ដ៏រីករាយបានដែរ។
អូហ៍ កុំភ្លេច ជ្រើសបន្ថែមជាមួយគ្រឿងអលង្ការ ក្រមា មួក និងស្រោមដៃ ខ្ជូតៗដែលអ្នកស្រលាញ់ឲ្យសាកសមនឹងសម្លៀកបំពាក់ដ៏ស្រស់ស្អាតរបស់អ្នកផងណា! Merry Christmas Everyone!
