ពលរដ្ឋខ្មែរនៅអាមេរិកមួយក្រុម ព្យាយាម​លើក​តម្កើង​​សិល្បៈវប្បធម៌​ខ្មែរពីចម្ងាយ​តាម​រយៈ​តន្ត្រី

ពលរដ្ឋខ្មែរ​មួយ​ក្រុម​រស់នៅ​សហរដ្ឋអាមេរិក ក្នុង​នោះ​គេ​ស្គាល់ច្បាស់​តារាចម្រៀង Jay Chan ម្ចាស់​បទ “ចម្លើយចុងក្រោយ” បាន​រួម​គ្នា​ចេញបទចម្រៀង​ថ្មី​មួយ​បទ​របស់​ខ្លួន ក្នុង​បេសកកម្ម​លើក​តម្កើង​សិល្បៈវប្បធម៌​ដ៏​ផូរផង់របសខ្មែរ។

បទចម្រៀង​មាន​ចំណង​ជើង​ថា “កេរតំណែលខ្មែរ Khmer Legacy” ដែល​មាន​បញ្ចូល​សិល្បៈវប្បធម៌ខ្មែរជាច្រើន​ទម្រង់​មាន​ទាំង​សម័យ និង​បុរាណ ដូចជា ល្ខោនបាសាក់ អាយ៉ៃ ចាប៉ី ឆៃយុំា និង​សូម្បី​គុនខ្មែរ។

 

ចម្រៀង​មួយ​បទ​នេះ ហាក់បាន​បើកបង្ហាញ​ពិភព​លោក ពិសេស​បង​ប្អូន​រួម​ឈាម​ខ្មែរ ពី​បេះដូង​ជា​ខ្មែរ​គ្មាន​ថៃ​ងាករេ ដូច​ដែល​តារាចម្រៀង​បាន​បញ្ជាក់​ក្នុង​បទ​នេះ។ Jay Chan ថ្លែង​ថា លោក​ជា​តារា​ចម្រៀង​ដែល​ស្រឡាញ់​សិល្បៈវប្បធម៌ខ្មែរ ហើយ​បើ​ទោះ​ជា​រស់​នៅ​ស្រុក​គេ​ឆ្ងាយ​ប្រទេស​កំណើត តែខ្លួន​មិន​ដែល​ភ្លេច​ខ្មែរ​ឡើយ។

លោកតែងតែ​ព្យាយាម​ផ្សាយ​ពី​កម្ពុជា ពីវប្បធម៌​ដ៏​ផូរផង់​របស់ខ្មែរ ​ទៅកាន់ពិភព​លោក តាម​រយៈ​បទ​ភ្លេង សំឡេង និង​ចម្រៀង​របស់​លោក។ ក្នុង​ន័យ​នេះ បទ​ចម្រៀង លោក​នៅ​លើក​ទឹកចិត្ត​ខ្មែរ​ឲ្យចេះស្រឡាញ់​គ្នា រួម​ដៃ​លើកស្ទួយ ថែរក្សា​សម្បត្តិកេរមរតក​ដូនតា​កុំអោយបាត់បង់។

 

ទស្សនា និង​ស្ដាប់​ទាំង​អស់​គ្នា៖