ម៉ាស៊ីនលក់សំបុត្រដោយស្វ័យប្រវត្ត គ្រោងដាក់លក់ជូនភ្ញៀវទេសចរអន្តរជាតិនៅចុងឆ្នាំនេះ

នៅក្នុងខែតុលា ឆ្នាំ២០២៤ ខាងមុខនេះ គ្រឹះស្ថានអង្គរ គ្រោងដាក់ម៉ាស៊ីនស្វ័យប្រវត្តលក់ជូនភ្ញៀវទេសចរនៅក្នុងតំបន់រមណីដ្ឋានអង្គរ ដើម្បីងាយស្រួលក្នុងការបញ្ជាទិញ និងបង្កើនប្រាក់ចំណូលដល់ជាតិ។

យោងតាមគ្រឹះស្ថានអង្គរបានអោយដឹងថា គន្លងមកគ្រឹះស្ថានអង្គរបានតម្រូវឲ្យអ្នកទេសចរអន្តរជាតិទិញសំបុត្រ នៅពេលពួកគាត់ជិះកាត់តាមកន្លែងត្រួតពិនិត្យក្នុងតំបន់រមណីដ្ឋានអង្គរទាំងមូល ប៉ន្តែត្រូវបាន

កែប្រែ គឺពួកគាត់អាចជិះតាមផ្លូវកាត់ប្រាសាទដោយមិនមានការត្រួតពិនិត្យសំបុត្រទៀតឡើយ ពោលមិនតម្រូវអោយពួកគាត់ទិញសំបុត្រទៀតឡើយ លើកលែងតែពួកគាត់ចូលទស្សនាប្រាសាទ។

ជាមួយគ្នានោះ គ្រឹះស្ថានអង្គរមានគម្រោងដាក់ម៉ាស៊ីនស្វ័យប្រវត្តិលក់សំបុត្រឲ្យភ្ញៀវទេសចរអន្តរជាតិ នៅជិតប្រាសាទ ក្នុងរមណីដ្ឋានអង្គរ ដើម្បីងាយស្រួលដល់ភ្ញៀវទេសចរដែលមិនបានទិញសំបុត្រតាមអនឡាញ ឬទិញនៅគ្រឹះស្ថានអង្គរ ដែលកិច្ចការនេះនឹងចាប់ពីដើមខែតុលាខាងមុខនេះ។

ក្នុងនោះ គ្រឹះស្ថានអង្គរគ្រោងរៀបចំការលក់សំបុត្រជាក្រុមប្រាសាទ ដើម្បីឲ្យភ្ញៀវទេសចរងាយស្រួលទស្សនា ចំណាយតិច ចំពេញពេលវេលា និងបង្កើនប្រាក់ចំណូលដល់ជាតិផងដែរ។ ឧទាហរណ៍ថា ភ្ញៀវទេសចរចង់ទស្សនាក្រុមប្រាសាទ A មានប្រាសាទអង្គរ និងប្រាសាទបាយ័ន ប្រាសាទក្រុម B មានប្រាសាទព្រម្ម និងប្រសាទបន្ទាយស្រី។ ដោយក្នុងនោះការលក់សំបុត្រ មិនមានការដំឡើងថ្លៃទេ គឺងាយស្រួលអ្នកទេសចរពេញចិត្តទស្សនាប្រសាទផងដែរ។ រួមជាមួយនោះ ក្រុមការងារនឹងចង់ក្រងវាយតម្លៃចំណាត់ថ្នាក់ប្រសាទ ដោយដាក់ជាក្រុមចំនួន១៧ប្រាសាទ ដោយគ្រោងនឹងអនុវត្តនៅដើមឆ្នាំ២០២៥ខាងមុខនេះ។

សូមបញ្ជាក់ថា គ្រឹះស្ថានអង្គរបានសម្រេចលុបចោលទាំងស្រុងនូវតម្រូវការព័ត៌មាភ្ញៀវទេសចរដូចជា រូបថត សញ្ជាតិ ក្រុមអាយុ និងភេទសម្រាប់ទេសចរដែលទិញបណ្ណទស្សនារយៈពេល ១ថ្ងៃ ចាប់ពីចុងខែកញ្ញា ឆ្នាំ២០២៤ តទៅ។ ដោយឡែកសម្រាប់ទេសចរដែលទិញបណ្ណទស្សនារយៈពេល៣ថ្ងៃ និង៧ថ្ងៃ ត្រូវបន្តអនុវត្តការថតរូបសម្រាប់បណ្ណទស្សនារហូតដល់ចុងឆ្នាំ២០២៤។ គ្រឹះស្ថានអង្គរក៏កំពុងពិនិត្យលទ្ធភាព និងនីតិវិធីបន្ថែមដើម្បីសម្រួលដល់ការទិញបណ្ណទស្សនា និងការត្រួតពិនិត្យបណ្ណទស្សនា ដោយចាប់យកប្រព័ន្ធបច្ចេកវិទ្យាសំខាន់ៗបន្ថែមផងដែរ៕