ហុងកុងរក្សាកំណើនសេដ្ឋកិច្ច ខណៈវិស័យទេសចរណ៍ និងភាគហ៊ុនស្ទុះងើបឡើងវិញ

លេខាធិការហិរញ្ញវត្ថុ លោក Paul Chan Mo-po បាននិយាយកាលពីថ្ងៃអាទិត្យថា សេដ្ឋកិច្ចហុងកុងមានកំណើនរយៈពេល ៥ត្រីមាសជាប់ៗគ្នា ដែលជំរុញដោយវិស័យទេសចរណ៍ក្នុងស្រុក និងការកើនឡើងនៃទីផ្សារភាគហ៊ុន។

ការកើនឡើងនៃទេសចរណ៍របស់ហុងកុងគឺជាកត្តាដ៏សំខាន់ដែលបានជំរុញកំណើនសេដ្ឋកិច្ចនៅត្រីមាសទីមួយរបស់ទីក្រុង។ ជាមួយនឹងការកើនឡើងនៃចំនួនអ្នកធ្វើដំណើរកំសាន្តទៅទីកាន់ទីក្រុងគឺមានការកើនឡើងជាលំដាប់ ដែលធ្វើអោយកំណើនសេដ្ឋកិច្ចមានការកើនឡើងគួរអោយគាត់សំគាល់។

អ្នកទេសចរប្រមាណជាង ៦៧០.០០០ នាក់ មកពីចិនដីគោក បានមកធ្វើដំណើរកម្សាន្ត រយៈពេលបួនថ្ងៃ នូវថ្ងៃឈប់សម្រាក ពីថ្ងៃទី១ ដល់ថ្ងៃទី៥  ខែឧសភា។ នៅក្នុងនោះបើតាមការបញ្ជាក់របស់ ប្រធានទេសចរណ៍បានបង្ហាញថា ភ្ញៀវទេសចរចិនដីគោកដែលបានមកទស្សនាទីក្រុងហ៊ុងកុង ត្រូវបានប៉ាន់ប្រមាណជាង ២ប៊ីលានដុល្លារហុងកុង ក្នុងអំឡុងពេលវិស្សមកាល។

គួរឲ្យកត់សម្គាល់ជាងនេះទៅទៀត ការស្ទះងើបឡើងវិញជានិរន្តរភាពនៃសេដ្ឋកិច្ចរបស់ចិនដីគោកបានជំរុញកំណើនរបស់ហុងកុង និងធ្វើឲ្យមានទំនុកចិត្តលើទីផ្សារឡើងវិញនៅក្នុងដំណើរការសេដ្ឋកិច្ចរបស់ខ្លួន។ រួមជាមួយនោះ ហុងកុងកំពុងជំរុញយ៉ាងសកម្មសមាហរណកម្មសេដ្ឋកិច្ចជាមួយនឹងតំបន់ Greater Bay ដែលបានផ្តល់នូវសន្ទះ និងឱកាសសំខាន់ៗសម្រាប់ការអភិវឌ្ឍន៍សេដ្ឋកិច្ចរបស់ខ្លួន។

បើយោងតាមទិន្នន័យពីនាយកដ្ឋានជំរឿន និងស្ថិតិ កំណើនផលិតផលក្នុងស្រុកសរុប (GDP) របស់ហុងកុងបានកើនឡើង ២,៧% ក្នុងរយៈពេល ៥ត្រីមាស ជាប់ៗគ្នា រហូតដល់ត្រីមាសទី១ នៃឆ្នាំ២០២៤ នេះ។

ជាការបង្ហាញមួយទៀតនៃការស្ទុះងើបឡើងវិញដែលប្រកបដោយស្ថិរភាពនៃសេដ្ឋកិច្ចរបស់ទីក្រុងហ៊ុងកុង គឺភាគហ៊ុនហុងកុង បានកើនឡើង ហើយទំហំពាណិជ្ជកម្មប្រចាំថ្ងៃជាមធម្យមលើសពី ១២៨ប៊ីលានដុល្លារហុងកុង ដែលជាសញ្ញានៃភាពប្រសើរឡើងនៃអារម្មណ៍នៅក្នុងទីផ្សារហិរញ្ញវត្ថុ ផងដែរ៕