ខ្មែរ
English
Chelsea Manalo ជាម្ចាស់ពានបវរកញ្ញាឯកហ្វីលីពីន Miss Universe 2024 ដែលបានធ្វើឡើងកាលពីពេលថ្មីៗ កន្លងទៅនេះ ដោយមានបេក្ខនារីចូលរួមប្រកួតរហូតដល់ទៅ ៥៣ រូប។ នាងជា បេក្ខនារី កូនកាត់ ស្បែកខ្មៅដំបូងគេ ដែលមានគ្រងមកុដរាជនីរបស់ហ្វីលីពីន។
បរវកញ្ញាឯក Miss Universe 2024 របស់ហ្វីលីពីន Chelsea Manalo មកពីតំបន់ Meycauayan ស្ថិតនៅភាគខាងជើងប្រទេស។ នាងកើតនៅក្នុងឆ្នាំ ១៩៩៩ មានឪពុកជាជនជាតិអាមេរិក និង ម្តាយជាជនជាតិហ្វីលីពីន។ ក្នុងវ័យ ១៤ ឆ្នាំ Manalo បានបែកចែកវេលារៀនសូត្រផង និង ចូលប្រឡូកក្នុងវិស័យដើរម៉ូតផង។ ចាប់តាំងពីពេលនោះមក នាងបានធ្វើការជាមួយទស្សនាវដ្តី អ្នករចនាម៉ូតហ្វេស្សិន និង ក្រុមហ៊ុនផ្សព្វផ្សាយ។
ស្ទើរតែគ្រប់បរវកញ្ញាឯកទាំងអស់ តែងមានទស្សនៈវិស័យច្បាស់លាស់។ ចំពោះ Chelsea Manalo នាងមានទស្សនៈវិស័យ ជឿជាក់ទៅលើធនធានយុវជន ការអប់រំ និង ទេពកោសល្យរបស់មនុស្សលើវិស័យផ្សេងៗគ្នា។ នាងក៏បានជម្រុញឱ្យបញ្ឈប់នូវការរើសអើងពណ៌សម្បុរ ដោយសារនាងផ្ទាល់ធ្លាប់ជួបការរើសអើងនិងមើលងាយ ព្រោះនាងមានសម្បុរខ្មៅ និង សក់រួញ។
គួរបញ្ជាក់ថា ក្នុងនាមជាម្ចាស់ពានគ្រងម្កុដ Miss Universe Philippines 2024 កញ្ញា Chelsea Manalo នឹងទៅចូលរួមប្រកួតកម្មវិធី Miss Universe តំណាងហ្វីលីពីននៅប្រទេសមុិចស៊ីកូ៕
