អភិបាលក្រុងបានបញ្ជាក់ថា ៖ “គ្មានមូលនិធិសាធារណៈណាចូលរួម សម្រាប់គម្រោងកីឡដ្ឋានរបស់ Manchester United ទេ”

អភិបាលក្រុង Greater Manchester លោក Andy Burnham បានបញ្ជាក់ថា គ្មានមូលនិធិសាធារណៈណាមួយនឹងត្រូវបានប្រើប្រាស់សម្រាប់ផែនការមហិច្ឆតារបស់ Manchester United ក្នុងការសាងសង់កីឡដ្ឋានថ្មីដែលមានកៅអី 100,000 ឬអភិវឌ្ឍឡើងវិញនូវ Old Trafford ដែលមានស្រាប់នោះទេ។

ខណៈពេលដែលម្ចាស់ក្លឹបមានចេតនាទៅលើជម្រើសទឹកប្រាក់ 2 ពាន់លានផោនរបស់ពួកគេ… លោក Burnham បានសង្កត់ធ្ងន់ចំពោះ ការធ្វើឱ្យប្រសើរឡើងនូវកីឡដ្ឋានណាមួយនឹងត្រូវបានផ្តល់មូលនិធិឯកជនដោយក្លឹប។

ការអភិវឌ្ឍន៍ឡើងវិញអាចពាក់ព័ន្ធនឹងការបង្កើតតំបន់ ” mixed-use ” រួមទាំងបណ្តាញដឹកជញ្ជូនថ្មី និងលំនៅដ្ឋាន។ ទោះយ៉ាងណាក៏ដោយ ការផ្លាស់ទីស្ថានីយរថភ្លើងដឹកទំនិញនៅពីក្រោយ Old Trafford គឺមានសារៈសំខាន់សម្រាប់ការពង្រីកណាស់។ ខណៈពេលដែលមូលនិធិសាធារណៈអាចត្រូវបានប្រើប្រាស់សម្រាប់ការកែលម្អហេដ្ឋារចនាសម្ព័ន្ធដែលទាក់ទងនឹងការផ្លាស់ប្តូរនេះ កីឡដ្ឋានខ្លួនឯងនឹងមិនទទួលបានមូលនិធិអ្នកជាប់ពន្ធឡើយ។

អតីតតារាបាល់ទាត់ Manchester United លោក Gary Neville ដែលជាផ្នែកមួយនៃក្រុមការងារវាយតម្លៃទៅលើអនាគតរបស់កីឡដ្ឋាន បានសង្កត់ធ្ងន់លើសារៈសំខាន់នៃសម្ភារៈបរិក្ខារលំដាប់ពិភពលោក និងការអភិវឌ្ឍន៍ទូលំទូលាយនៃតំបន់ជុំវិញនោះ។ បើទោះបីជាមានភាពស្មុគស្មាញក៏ពិតមែន ប៉ុន្តែគោលដៅនៅតែត្រូវបង្កើតកីឡដ្ឋានលំដាប់កំពូល ដែលផ្តល់អត្ថប្រយោជន៍ទាំងក្លឹប និងអ្នកក្នុងស្រុក។