• Login
Top Ladies Magazine Cambodia
  • Khmer ខ្មែរ
  • English English
  • ទំនាក់ទំនងពួកយើង
  • សហគ្រិនភាព
  • Home
  • Privacy Policy
  • Tos Ni Yey
Top Ladies Magazine Cambodia
  • Khmer ខ្មែរ
  • English English

ប្រសិន​បើ​លោកអ្នកចង់មានចំណងស្នេហ៍យូរអង្វែង សូម​យកចិត្តទុកដាក់​លើពាក្យ “ស្និទ្ធស្នាល”

by Pisey Dim
ព្រហស្បតិ៍ មីនា 7th, 2024
in ទំនាក់ទំនង, របទជីវិត
325
SHARES
Share on FacebookShare on Twitter

ភាពផ្អែមល្អែម និងជូរចត់ជាផ្នែកមួយនៃទំនាក់ទំនងស្នេហា។ នៅក្នុងដំណើរជីវិតគូដ៏វែងឆ្ងាយ មានពេលវេលាជាច្រើនដែលអ្នកទទួលរងការឈឺចាប់ និងភាពភ័ន្តច្រឡំនូវរឿងមួយចំនួន ថែមទាំងពេលខ្លះអ្នកមិនចង់ឃើញមុខដៃគូស្នេហារបស់អ្នកទៀតផង អារម្មណ៍ទាំងនេះគ្រាន់ជាផ្នែកមួយនៅក្នុងទំនាក់ទំនងស្នេហាប៉ុណ្នោះ។ មានពេលវេលាខ្លះទៀតក្នុងចំណងស្នេហារបស់អ្នក អ្នកក៏ទទួលបាននូវអារម្មណ៍សប្បាយរីករាយ ភាពកក់ក្តៅ ការបារម្ភយកចិត្តទុកដាក់ និងភាពផ្អែមល្ហែមប្រៀបដូចជាស្ករគ្រាប់ ដែលអ្នកបានផ្តល់ឱ្យគ្នាទៅវិញទៅមក រហូតដល់ពេលខ្លះអ្នកគិតថា តើនឹងត្រូវរស់នៅដោយរបៀបណាប្រសិនបើគ្មានដៃគូស្នេហារួមរស់ក្បែរ​?

អ្វីដែលសំខាន់គឺថា អ្នកអាចប្រឈមនឹងពេលវេលាល្អ និងអាក្រក់ជាមួយគ្នា ជាពិសេសអ្នកត្រូវស្វែងយល់អំពីវិធីធ្វើឱ្យទំនាក់ទំនងស្នេហារបស់អ្នកកាន់តែផ្អែមល្ហែមជាងមុនបន្ថែមទៀត។

សម្រាប់ការពង្រឹងស្នេហាអ្នកឱ្យកាន់តែរឹងមាំ អ្នកត្រូវចំណាយពេលវេលាដ៏មានតម្លៃជាមួយមនុស្សដែលអ្នកស្រឡាញ់ និងយកចិត្តទុកដាក់ជាមួយគាត់បន្ថែមទៀត។ អ្វីដែលធ្វើឱ្យទំនាក់ទំនងស្នេហារបស់អ្នកកាន់តែផ្អែមល្ហែមនោះគឺ ភាពស្និទ្ធស្នាល។ ដូច្នេះ ពេលខ្លះភាពផ្អែមល្ហែមដែលអ្នកទាំងពីរបង្ហាញដល់គ្នាទៅវិញទៅមកក៏អាចផ្លាស់ប្តូរចំណងស្នេហារបស់អ្នកក្នុងផ្លូវដ៏វិជ្ជមានផងដែរ។

អាត្រាកើនឡើងនៃការលែងលះរបស់ជីវិតប្តីប្រពន្ធនៅជុំវិញពិភពលោកនេះ ក៏ព្រោះតែពួកគេភាគច្រើនមិនបានគិតដល់ការបង្កើនភាពស្និទ្ធស្នាលជាមួយគ្នាក្នុងទំនាក់ទំនងស្នេហា។ ជីវិតរស់នៅតាមបែបទាន់សម័យនាពេលបច្ចុប្បន្នគឺ ដៃគូស្នេហាស្រឡាញ់គ្នាខ្លាំង ប៉ុន្តែបែរជារស់នៅដូចជាមនុស្សមិនដែលស្គាល់គ្នា និងរស់នៅមិនប្រកបដោយសេចក្តីសុខសោះ។

តើអ្វីទៅជាភាពស្និទ្ធស្នាល? ហេតុអ្វីបានជាវាមានសារៈសំខាន់ខ្លាំងនៅក្នុងទំនាក់ទំនងស្នេហា?

ការចែករលែករឿងរ៉ាវក្នុងចិត្តទាំងអស់ប្រាប់ដៃគូរបស់អ្នក គឺជាអ្វីដែលល្អបំផុតសម្រាប់ទំនាក់ទំនងស្នេហា ចៀសវាងការរស់នៅជាមួយគ្នាដោយលាក់នូវអាថ៌កំបាំងពីគ្នា។ មិនមានអ្វីដែលប្រសើរជាងការដែលមានមនុស្សម្នាក់ស្តាប់រឿងរ៉ាវក្នុងចិត្ត​ ឬរឿងដែលអ្នកហត់នឿយជាមួយពេញមួយថ្ងៃ ហើយក៏ទទួលបានពាក្យផ្អែមល្ហែមលើកទឹកចិត្តធ្វើឱ្យអារម្មណ៍អ្នកប្រសើរឡើង និងបំពាក់ស្នាមញញឹមឡើងវិញនៅលើផ្ទៃមុខ។​ វានឹងធ្វើឱ្យទំនាក់ទំនងស្នេហារបស់អ្នកកាន់តែរំភើបញាប់ញ័រ ហើយនេះគឺជាសេចក្តីសុខដ៏ខ្លាំងក្លាជាងគេបំផុតនៅក្នុងពិភពលោក។​

តើទំនាក់ទំនងស្នេហាអាចប្រសើរឡើងទេ ប្រសិនបើគ្មានភាពស្និទ្ធស្នាល?

នៅក្នុងទំនាក់ទំនងស្នេហាត្រូវការរបស់ពីរយ៉ាងគឺ ភាពស្និទ្ធស្នាលរូបរាងកាយ និងភាពសិទ្ធស្នាលផ្លូវអារម្មណ៍ ដើម្បីឱ្យទំនាក់ទំនងកាន់តែស្អិតរមួត។ ការកាន់ដៃគ្នា ការឱបត្រកងបីបម លួងលោមដោយពាក្យសម្តីផ្អែមល្ហែម និងប្រលែងលេងគ្នាទៅវិញទៅមក គឺពិតជាសំខាន់ខ្លាំងណាស់ ដូចទៅនឹងការចំណាយពេលវេលាដ៏មានតម្លៃជាមួយគ្នាដើម្បីដឹងថាដៃគូរបស់ខ្លួនមានអារម្មណ៍បែបណា។ ទង្វើសាមញ្ញ ប៉ុន្តែបង្កប់ដោយក្តីស្រឡាញ់យ៉ាងពេញលេញ។

ភាពស្និទ្ធស្នាល គឺពិតជាសំខាន់ខ្លាំងណាស់សម្រាប់ទំនាក់ទំនងស្នេហាមួយក្នុងការឆ្លងកាត់ពេលវេលាលំបាកៗ។ អ្នកទាំងពីរ គួរចេះជួយគ្នានៅពេលដែលជួបបញ្ហាទុក្ខលំបាកក្នុងជីវិត។

ការយល់ច្រឡំ ភាពមិនចុះសម្រុង និងការខឹងសម្បារ គឺជារឿងមួយដែលចៀសមិនផុតនៅក្នុងជីវិតគូ។ ទោះជាយ៉ាងណាក៏ដោយ នៅពេលនរណាម្នាក់មិនសប្បាយចិត្ត ម្នាក់ទៀតត្រូវក្លាយខ្លួនជាអ្នកដែលយល់ចិត្តបំផុត និងធ្វើយ៉ាងណាឱ្យដៃគូរបស់ខ្លួនប្រសើរឡើងវិញ។

ដៃគូស្នេហាម្នាក់ៗ ត្រូវតែយល់ដឹងការបង្ហាញភាពស្និទ្ធស្នាលទៅគ្នានៅត្រង់ចំណុចនេះ។ ប្រសិនបើនារីមិនសប្បាយចិត្តអំពីរឿងអ្វីមួយ ដែលដៃគូបុរសរបស់ខ្លួនបានធ្វើ វាជាការទទួលខុសត្រូវខាងបុរសដើម្បីដោះស្រាយរាល់បញ្ហាទាំងអស់នោះ។ គាត់អាចឱបនាង ធ្វើឱ្យនាងមានអារម្មណ៍ប្រសើរជាងមុន និងកក់ក្តៅបំផុត បុរសក៏អាចសុំទោសនាងក្នុងការដែលធ្វើឱ្យនាងមានអារម្មណ៍មិនល្អ។ នេះនឹងធ្វើឱ្យនាងមានអារម្មណ៍ថាទទួលបានក្តីស្រឡាញ់ដ៏ពេញលេញបំផុត។

ភាពស្និទ្ធស្នាល គឺពិតជាសំខាន់ខ្លាំងណាស់នៅក្នុងទំនាក់ទំនងស្នេហា។ អ្នកនឹងដឹងថា ដៃគូរបស់អ្នកស្រឡាញ់អ្នកជាអ្នក​ ទទួលយកអ្នកជាអ្នក និងតែងតែ​នៅទីនេះដើម្បីអ្នក។

តើអ្នកអាចបង្កើតភាពស្និទ្ធស្នាលក្នុងទំនាក់ទំនងរបស់អ្នកបានដោយរបៀបណា?

  • ផ្តល់ក្តីស្រឡាញ់ ៖ នៅពេលអ្នកស្ថិតនៅក្នុងទំនាក់ទំនងស្នេហាមួយ អ្នកត្រូវតែយល់អំពីតម្រូវការនៃសេចក្តីស្រឡាញ់។ កាលណាអ្នកផ្តល់ក្តីស្រឡាញ់ និងការយកចិត្តទុកដាក់ទៅលើដៃគូស្នេហារបស់អ្នកកាន់តែច្រើន អ្នកក៏ទទួលបានមកវិញនូវក្តីស្រឡាញ់ និងការយកចិត្តទុកដាក់ដូចគ្នាផងដែរ។
  • រកពេលវេលានិយាយគ្នា ៖ ការចែករំលែកការគិតទៅកាន់គ្នា អាចឱ្យអ្នកទាំងសងខាងយល់អំពីគ្នាកាន់តែច្បាស់ ដូចជា អ្វីដែលគាត់ចូលចិត្ត ឬមិនចូលចិត្ត។

  • ផ្តល់កិត្តិយស លើកសរសើរ និងគោរពគ្នាទៅវិញទៅមក ៖ នៅពេលដែលគាត់ធ្វើអ្វីមួយសម្រាប់អ្នក គួរតែចេះលើកសរសើរ និងផ្តល់កិត្តិយសដល់គាត់។ នេះជាវិធីក្នុងការលើកទឹកចិត្តដើម្បីឱ្យគាត់ធ្វើអ្វីបន្ថែមទៀតសម្រាប់អ្នក។ គោរពការគិតរបស់គាត់ និងការសម្រេចចិត្តរបស់គាត់ ក៏ដូចជាយល់ដឹងអំពីតម្លៃរបស់គាត់។ អ្នកអាចធ្វើអ្វីមួយដែលធ្វើឱ្យគាត់សប្បាយចិត្ត ដូចជាផ្តល់ការភ្ញាក់ផ្អើល និងផ្តល់អំណោយដល់គាត់ក្នុងឱកាសពិសេសៗ។
  • ភាពស្និទ្ធស្នាលមិនមែនជាការរួមសិចឡើយ ៖ សិចអាចនឹងកើតឡើងដោយមិនភ្ជាប់ទំនាក់ទំនងផ្នែកអារម្មណ៍ វាជាអ្វីដែលលើសពីតណ្ហា។ ប៉ុន្តែបើអ្នកមានភាពស្និទ្ធស្នាលជាមួយដៃគូស្នេហារបស់អ្នក និងមានអារម្មណ៍ល្អជាមួយគ្នាទៀតនោះ​ រឿងរ៉ាវដ៏អស្ចារ្យនឹងកើតមានឡើងជាក់ជាមិនខាន៕

 

Tags: ស្នេហា និងគ្រួសារ
Previous Post

ដោះស្រាយបញ្ហាបាត់ទូរស័ព្ទ ហើយជាប់គណនីតេឡេក្រាមក្នុងនោះ ត្រូវធ្វើម៉េច?

Next Post

លែងជាបញ្ហាក្នុងការចាយវាយដោយគ្រាន់តែមាន កម្មវិធីបាគងជាការស្រេច

Pisey Dim

Pisey Dim

PiseyDim@ladies.com.kh

Related Posts

ក្រសួងទេសចរណ៍នឹងរៀបចំវេទិកា និងពិព័រណ៍ទេសចរណ៍មូស្លីមកម្ពុជា ឆ្នាំ២០២៥
កម្សាន្ត

ក្រសួងទេសចរណ៍នឹងរៀបចំវេទិកា និងពិព័រណ៍ទេសចរណ៍មូស្លីមកម្ពុជា ឆ្នាំ២០២៥

by Pisey Dim
អង្គារ កញ្ញា 30th, 2025
ថ្លែងដោយឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា ៖ កម្ពុជានឹងក្លាយជាគោលដៅទេសចរណ៍ដែលមានសន្ទុះអភិវឌ្ឍខ្លាំងនៅតំបន់អាស៊ី
កម្សាន្ត

ថ្លែងដោយឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា ៖ កម្ពុជានឹងក្លាយជាគោលដៅទេសចរណ៍ដែលមានសន្ទុះអភិវឌ្ឍខ្លាំងនៅតំបន់អាស៊ី

by Pisey Dim
អង្គារ កញ្ញា 30th, 2025
អបអរសាទរ ខួបលើកទី២ នៃការដាក់បញ្ចូល “រមណីយដ្ឋានប្រាសាទកោះកេរ” ជាសម្បត្តិបេតិកភណ្ឌពិភពលោក
កម្សាន្ត

អបអរសាទរ ខួបលើកទី២ នៃការដាក់បញ្ចូល “រមណីយដ្ឋានប្រាសាទកោះកេរ” ជាសម្បត្តិបេតិកភណ្ឌពិភពលោក

by Pisey Dim
ពុធ កញ្ញា 17th, 2025
សារមន្ទីរ ស.ស.រ ខេត្តបាត់ដំបង នឹងបើកដំណើរការផ្លូវការក្នុងពេលឆាប់ៗនេះ
កម្សាន្ត

សារមន្ទីរ ស.ស.រ ខេត្តបាត់ដំបង នឹងបើកដំណើរការផ្លូវការក្នុងពេលឆាប់ៗនេះ

by Pisey Dim
អង្គារ កញ្ញា 16th, 2025
Load More
Next Post
លែងជាបញ្ហាក្នុងការចាយវាយដោយគ្រាន់តែមាន កម្មវិធីបាគងជាការស្រេច

លែងជាបញ្ហាក្នុងការចាយវាយដោយគ្រាន់តែមាន កម្មវិធីបាគងជាការស្រេច

ADVERTISEMENT

Recent.

ក្រសួងទេសចរណ៍នឹងរៀបចំវេទិកា និងពិព័រណ៍ទេសចរណ៍មូស្លីមកម្ពុជា ឆ្នាំ២០២៥

ក្រសួងទេសចរណ៍នឹងរៀបចំវេទិកា និងពិព័រណ៍ទេសចរណ៍មូស្លីមកម្ពុជា ឆ្នាំ២០២៥

អង្គារ កញ្ញា 30th, 2025
ថ្លែងដោយឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា ៖ កម្ពុជានឹងក្លាយជាគោលដៅទេសចរណ៍ដែលមានសន្ទុះអភិវឌ្ឍខ្លាំងនៅតំបន់អាស៊ី

ថ្លែងដោយឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា ៖ កម្ពុជានឹងក្លាយជាគោលដៅទេសចរណ៍ដែលមានសន្ទុះអភិវឌ្ឍខ្លាំងនៅតំបន់អាស៊ី

អង្គារ កញ្ញា 30th, 2025
ធ្លាប់ឆ្ងល់ទេ ហេតុអ្វីក្រោយពេលកោររោមដៃ ឬជើងរួច កើតមានស្នាមកន្ទួលអុចខ្មៅតូចៗ (Strawberry Skin)?

ធ្លាប់ឆ្ងល់ទេ ហេតុអ្វីក្រោយពេលកោររោមដៃ ឬជើងរួច កើតមានស្នាមកន្ទួលអុចខ្មៅតូចៗ (Strawberry Skin)?

ច័ន្ទ កញ្ញា 29th, 2025

ប្រភេទអត្ថបទ

  • កម្សាន្ត (387)
  • កីឡា (390)
  • គ្រឿងលម្អ (47)
  • តស់!និយាយ – លើពីគំនិត (1)
  • តារា (183)
  • ទំនាក់ទំនង (11)
  • ទេសចរណ៍ (223)
  • បច្ចេកវិទ្យា និងនវានុវត្តន៍ (35)
  • ភាពជាមាតា (41)
  • ភេទសម្ព័ន្ធ (8)
  • ម៉ូតពេញនិយម (125)
  • របទជីវិត (109)
  • រូបមន្តម្ហូបនិងភេសជ្ជៈ (26)
  • សង្គម (129)
  • សហគ្រិនភាព (25)
  • សុខភាព និង សម្ផស្ស (284)
  • សេដ្ឋកិច្ច និងការអភិវឌ្ឍ (137)
  • ហ្វេស្សិន (455)
  • អាជីវកម្ម និងការវិនិយោគ (24)
  • អ្នកដឹកនាំ (6)
[:km]

© 2024 © ក្រុមហ៊ុន ថាយហ្គើរ មេឌា លីមីតធីត ជាម្ចាស់គេហទំព័រ និងទស្សនាវដ្តីឌីជីថល LADIES សូមថ្លែងអំណរគុណដល់ប្រិយមិត្តអ្នកអានទាំងអស់ ដែលបានចូលមកទស្សនា និងប្រើប្រាស់គេហទំព័រ https://www.ladies.com.kh តាមការកំហិតដូចបានប្រកាសនៅក្នុងគោលការណ៍ឯកជនភាពរបស់ក្រុមហ៊ុន។ ប្រសិនបើលោកអ្នកជួបប្រទះនូវបញ្ហាប្រឈមណាមួយ ឬមានសំណួរអំពីការប្រើប្រាស់គេហទំព័រ និងកម្មវិធីថ្នាលឌីជីថលនានារបស់ក្រុមហ៊ុន សូមទាក់ទងតាមរយៈ support@ladies.com.kh។

© 2024 © ក្រុមហ៊ុន ថាយហ្គើរ មេឌា លីមីតធីត ជាម្ចាស់គេហទំព័រ និងទស្សនាវដ្តីឌីជីថល LADIES សូមថ្លែងអំណរគុណដល់ប្រិយមិត្តអ្នកអានទាំងអស់ ដែលបានចូលមកទស្សនា និងប្រើប្រាស់គេហទំព័រ https://www.ladies.com.kh តាមការកំហិតដូចបានប្រកាសនៅក្នុងគោលការណ៍ឯកជនភាពរបស់ក្រុមហ៊ុន។ ប្រសិនបើលោកអ្នកជួបប្រទះនូវបញ្ហាប្រឈមណាមួយ ឬមានសំណួរអំពីការប្រើប្រាស់គេហទំព័រ និងកម្មវិធីថ្នាលឌីជីថលនានារបស់ក្រុមហ៊ុន សូមទាក់ទងតាមរយៈ support@ladies.com.kh។

[:en]

© 2024 Tiger Media Limited, owner of LADIES website and digital magazine, extends its gratitude to all readers for visiting and using https://www.ladies.com.kh in accordance with our privacy policy. Should you encounter any issues or have questions regarding the use of our digital platforms and programs, please don't hesitate to contact us at support@ladies.com.kh.

© 2024 Tiger Media Limited, owner of LADIES website and digital magazine, extends its gratitude to all readers for visiting and using https://www.ladies.com.kh in accordance with our privacy policy. Should you encounter any issues or have questions regarding the use of our digital platforms and programs, please don't hesitate to contact us at support@ladies.com.kh.

[:]

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

© 2024 Ladies Magazine Cambodia | All Rights Reserved.