ខ្មែរ
English
Arsenal និង Chelsea កំពុងតែតាមដានយ៉ាងស្និទ្ធលើកីឡាករ Nico Paz នៅមុនទីផ្សារបើកនៅពេលខាងមុខ ខណៈដែលកីឡាករវ័យ 20 ឆ្នាំសម្លឹងរកមើលអនាគតដ៏ភ្លឺស្វាង។
យោងតាម TBR Nico Paz កំពុងទាក់ទាញការចាប់អារម្មណ៍ជាច្រើននៅលើទីផ្សារ បន្ទាប់ពីការលេងរបស់គាត់សម្រាប់ Como ។ Arsenal និង Chelsea ស្ថិតក្នុងចំណោមអ្នកដែលតាមដានយ៉ាងជិតស្និទ្ធលើយុវជនថ្នាលរបស់ Real Madrid វ័យ 20 ឆ្នាំរូបនេះ យ៉ាងណាក៏ដោយគេអាចនឹងត្រលប់ទៅអេស្ប៉ាញវិញនៅពេលអនាគតដោយសារនៅក្នុងកិច្ចសន្យាខ្ចីជើងបច្ចុប្បន្នរបស់គាត់ត្រូវបានបញ្ចប់។
វាពិតជាគួរឱ្យភ្ញាក់ផ្អើលណាស់ដែល Real Madrid សម្រេចចិត្តបោះបង់ចោល Nico Paz បើទោះបីជាគាត់លេងល្អសម្រាប់ក្រុមទីពីរក៏ដោយ។ យ៉ាងណាក៏គាត់បានជ្រើសរើសចូលរួមជាមួយក្រុមចំណូលថ្មីអ៊ីតាលី Como ដែលបានដឹកនាំដោយអតីតកីឡាករ Arsenal, Chelsea និង Barcelona នោះគឺលោក Cesc Fabregas ។
លោក Fabregas បានបញ្ចុះបញ្ចូលខ្សែបម្រើប្រយុទ្ធឱ្យចូលរួមជាមួយគាត់នៅ Como ជាមួយនឹងការសន្យាថានឹងជួយតាមរយៈការអភិវឌ្ឍន៍រូបគាត់អោយកាន់តែល្អ។ Real Madrid ត្រូវបានគេជឿជាក់ថាអាចនឹងអនុញ្ញាតឱ្យគាត់ចេញទៅក្នុងតម្លៃ 6 លានអឺរ៉ូ ដោយចាត់ទុកថា Paz នឹងទទួលបានពេលវេលាលេងរបស់គាត់ដែលគាត់ចង់បាន ដែលនឹងជួយដល់ការអភិវឌ្ឍន៍ខ្លួនរបស់គាត់នៅពេលអនាគត់។ យ៉ាងណាក៏ដោយ គាត់បានចាប់ផ្តើមពេលវេលារបស់គាត់នៅ Como យ៉ាងត្រចះត្រចង់ ដោយគាត់បញ្ជូនបាល់ចំនួន 3 ដងក្នុងការបង្ហាញខ្លួនចំនួន 6 លើករបស់គាត់នៅក្នុងក្របខ័ណ្ឌ Serie A រហូតមកដល់ពេលនេះ។
ទោះជាយ៉ាងណាក៏ដោយការផ្លាស់ប្តូរនៅខែមករាប្រហែលជាមិនមាននៅពេលនេះទេព្រោះការចាកចេញពី Como ឆាប់ៗពេក នឹងធ្វើឱ្យប៉ះពាល់ដល់ការអភិវឌ្ឍន៍របស់គាត់ដែលកំពុងលេងយ៉ាងល្អ។ ជាមួយនឹងការលេងដ៏លេចធ្លោ និងជាប់លាប់ក្នុងរដូវកាលនេះ Paz សង្ឃឹមថានឹងមានក្លឹបធំៗចាប់អារម្មរណ៍មកលើគាត់នៅរដូវក្តៅក្រោយ៕
