ខ្មែរ
English
ក្លឹប Arsenal របស់លោក Mikel Arteta អាចដាក់សំណើរសម្រាប់ខ្សែការពារ Ronald Araujo របស់ក្លឹប Barcelona នៅក្នុងទីផ្សារដែលកំពុងដំណើរការនេះ។
យោងតាម Sport តាមរយៈ SportWitness ក្លឹប Arsenal អាចនឹងដាក់សំណើរសម្រាប់កីឡាករ Ronald Araujo នៅប៉ុន្មានថ្ងៃខាងមុខនេះ ខណៈដែលពួកគេសម្លឹងមើលការពង្រឹងការការពាររបស់ពួកគេនៅពាក់កណ្តាលរដូវកាលនេះ។ ប៉ុន្តែពួកគេទំនងជាមិនអាចបំពេញតាមការទាមទាររបស់ក្លឹប Barcelona ដែលបានដាក់តម្លៃខ្លួនកីឡាកររូបនេះប្រហែល ៧០ ទៅ ៨០ លានអឺរ៉ូនោះទេ។
Araujo ត្រូវបានដំឡើងមកលេងនៅក្រុមឈុតធំដំបូងរបស់ពួកគេនៅចុងឆ្នាំ ២០២០។ ហើយគាត់បានធ្វើឲ្យមានការចាប់អារម្មណ៍ភ្លាមៗ និងពង្រឹងការលេងរបស់គាត់នៅក្នុងក្រុមបានយ៉ាងល្អ។ កីឡាករអន្តរជាតិអ៊ុយរូហ្គាយរូបនេះគឺត្រូវបានជាប់ឈ្មោះមួយក្នុងបញ្ជីក្រុមរបស់ពួកគេនៅរដូវកាលមុន ប៉ុន្តែគាត់បានរងរបួសពេញមួយពាក់កណ្តាលដំបូងនៃរដូវកាល ២០២៤/២៥។
ថ្មីៗនេះ កីឡាករវ័យ ២៥ឆ្នាំរូបនេះបានត្រលប់មកវិញជាមួយការប្រកួត Copa del Rey ខណៈពេលដែលលោក Hansi Flick បានទទូចថាគាត់ចាត់ទុក Araujo ជាផ្នែកសំខាន់នៃផែនការរបស់លោក ហើយចង់ឱ្យគាត់នៅទីនេះ តែកីឡាកររូបនេះចង់ចែកផ្លូវជាមួយក្លឹបកាតាឡានមួយនេះ។
Araujo នឹងប្តូរក្លឹបនៅខែនេះឬ?
គាត់បានឈានចូលដល់ ១៨ខែ ចុងក្រោយនៃកិច្ចសន្យារបស់គាត់ ហើយគាត់កំពុងជំរុញឱ្យមានការផ្លាស់ប្តូរចេញពីក្លឹបជាមួយនឹងភ្នាក់ងាររបស់គាត់ដែលកំពុងស្វែងរកគោលដៅដ៏ល្អមួយសម្រាប់រូបគាត់។ តែយ៉ាងណាមិញក្លឹប Barcelona ហាក់បានត្រៀមខ្លួនរួចរាល់ក្នុងការអនុញ្ញាតឱ្យគាត់ចាកចេញដរាបណាការទាមទាររបស់ពួកគេត្រូវបានបំពេញ។ ក្លឹបយក្សរបស់អេស្ប៉ាញចង់បានប្រហែល ៧០-៨០ លានអឺរ៉ូដើម្បីចែកផ្លូវជាមួយតារាការពាររបស់ពួកគេ។
ក្លឹប Juventus ដែលបានជួបវិបាត់ខ្សែរការពារដែរនោះកំពុងសម្លឹងរកការបន្ថែម ហើយក្លឹបក៏ចង់បាន Araujo មកនៅក្នុងក្រុមរបស់ពួកគេដែរក្នុងទីផ្សារដោះដូរនេះ។ ខណៈពេលដែលពួកគេបានដាក់សំណើចំនួន ៣៥ លានអឺរ៉ូ វាត្រូវបានបដិសេធភ្លាមៗដោយក្លឹបយក្សកាតាឡាន ដែលមានភាពច្បាស់លាស់ជាមួយនឹងជំហររបស់ពួកគេចំពោះអនាគតរបស់ Araujo ។
ក្លឹប Arsenal ក៏ចង់បានកីឡាករ Araujo ដែរឬ?
ខណៈពេលដែលលោក Old Lady កំពុងពិចារណាដាក់សំណើមួយជាគោលដៅដ៏មានសក្តានុពលមួយផ្សេងទៀតសម្រាប់កីឡាករវ័យ ២៥ ឆ្នាំម្នាក់នេះ។ ក្រុមកាំភ្លើងធំដែលមានមូលដ្ឋានការពារដ៏រឹងមាំរួចហើយនោះ ប៉ុន្តែលោក Arteta ចង់ពង្រឹងក្រុមរបស់គាត់បន្ថែមទៀត ហើយទេពកោសល្យលំដាប់ពិភពលោកដូចជាកីឡាករ Araujo ប្រាកដជាអាចជួយពង្រឹងក្រុមរបស់ពួកគេទាំងមូលបានថែមទៀត។
ក្លឹប North London កំពុងស្វែងរកការផ្តល់ជូននៅប៉ុន្មានថ្ងៃខាងមុខនេះ ហើយក្លឹប Barcelona នៅតែមានអារម្មណ៍ថាពួកគេអាចបំពេញតាមសេចក្តីប្រាថ្នារបស់ពួកគេបាន។ ទន្ទឹមនឹងនេះដែរ ក្រុមយក្សកាតាឡានកំពុងរង់ចាំដោយសង្ឃឹមថាពួកគេអាចនឹងលក់កីឡាករសំខាន់ៗមួយចំនួន ក៏ដូចជាការចាកចេញរបស់កីឡាករអន្តរជាតិអ៊ុយរូហ្គាយរូបនេះផងដែរ៕
