ខ្មែរ
English
Cartier បានដាស់និមិត្តសញ្ញានៃភាពទំនើប និងរំលឹកអំពីអតីតកាលលាយលំជាមួយភាពស៊ីវីល័យ គឺ Collection “Grain de Café” ជាគ្រឿងអលង្ការមាសសុទ្ធ និងផ្លាទីន ស្រោបដោយត្បូងទទឹម ឬត្បូងពេជ្រ រួមបញ្ចូលទាំងអង្កាំ Rubellite ដើម្បីបន្ថែមទំហំមួយកម្រិតទៀតដល់រូបរាងផ្កាកាហ្វេ។
គំនូរនៃត្បូងពេជ្ររូបរាងគ្រាប់កាហ្វេបានបង្ហាញខ្លួនជាលើកដំបូងនៅក្រុមហ៊ុនគ្រឿងអលង្ការ Cartier (ផ្ទះទំនិញប្រណីតរបស់ប្រទេសបារាំង) ប្រមាណជា 90 ឆ្នាំមុនមកម្លេះ —ហើយពេលនេះបានត្រឡប់មកវិញបង្កើតភាពភ្ញាក់ផ្អើលខ្លាំងជាមួយ Collection ថ្មីឈ្មោះ “Grain de Café” ដែលត្រូវបានពង្រីកនៅឆ្នាំនេះជាមួយនឹងបំប្លែងមាសពណ៌លឿងឆ្អិនឆ្អៅ និងផ្លាទីន អមជាមួយគ្រាប់ត្បូងពេជ្រសុទ្ធ។
ត្បូងពេជ្រដែលត្រូវបានបំផុសគំនិតអំពីភាពស្រស់ស្អាតកាលពីសម័យអតីត ដោយ Collection Grain de Café មាន ខ្សែក ចិញ្ចៀន កដៃ និងក្រវិល បានរចនាឡើងជាមួយនឹងមាសគំរូចង្កោមគ្រាប់កាហ្វេ រួមបញ្ចូលត្បូងពេជ្រមានលក្ខណៈអស្ចារ្យ… កាចសាហាវអមដោយលោហៈមាសពិតរបស់ Cartier កំពុងផ្ទុះភាពល្បីល្បាញយ៉ាងខ្លាំងក្នុងសំណាក់អ្នកស្នេហាវិស័យគ្រឿងអលង្ការជុំវិញពិភពលោក។
ឈុតគ្រឿងអលង្ការនេះ បានបង្កើតដោយរចនាចេញជារូបរាងគ្រាប់ធញ្ញជាតិកាហ្វេដែលមានប្រហោងចូលក្នុង និងរួមបញ្ចូលទាំងផ្នែកកោង។ ផ្ទៃគ្រឿងអលង្ការមានសភាពរលោង និងមានពន្លឺភ្លឺឆ្លុះក៏ព្រោះតែវាត្រូវបានប្រើប្រាស់វិធីប៉ូលាដោយដៃផ្ទាល់ពីក្រុមសិប្បករដ៏ជំនាញប្រហែលចំនួន 30 នាក់ជាង ។
គួរបញ្ជាក់ផងដែរថា Collection នេះបានបង្ហាញខ្លួនដំបូងបំផុតនៅឆ្នាំ 1938 មានរចនាប័ទ្មត្បូងជារូបរាងគ្រាប់កាហ្វេ… ក្រោយមកវាក៏បានក្លាយជាគ្រឿងអលង្ការដែលទទួលបានភាពជោគជ័យដ៏គួរឱ្យចាប់អារម្មណ៍មួយក្នុងទសវត្សរ៍ឆ្នាំ 1950 ដោយរចនាបង្កើតឡើងពីអ្នកច្នៃម៉ូដគ្រឿងអលង្ការបារាំង លោកស្រី Jeanne Toussaint និងបំពាក់ដោយតារាសម្តែងអាមេរិកដ៏ល្បីល្បាញ ឈ្មោះ Grace Kelly។
