ខ្មែរ
English
នេះជាអ្វីដែលអស្ចារ្យបំផុតអំពី នាឡិកាដៃរបស់ស្ត្រី OMEGA!
ក្រុមហ៊ុន OMEGA បានដាក់បង្ហាញនាឡិកាដៃសម្រាប់ស្រ្តីដំបូងបំផុតនៅក្នុងឆ្នាំ 1955 ដែលមានឈ្មោះថា The Ladymatic ។ The Ladymatic បានធ្វើដំណើរឆ្ពោះទៅមុខយ៉ាងអង់អាចបំផុត រហូតដល់អំឡុងឆ្នាំ 2010 លើសពីនេះក្រុមហ៊ុនអូមេហ្គាបានគិតគូរឡើងវិញនូវនាឡិកាដៃរបស់ស្រ្តី The Ladymatic ដោយបំពាក់វាជាមួយនឹងចលនាមេកានិចលំដាប់ពិភពលោកថ្មីមួយ ដើម្បីជាតម្រូវការនារីនាសម័យទំនើប។ រាល់នាឡិកាស្ត្រីនីមួយៗរបស់ OMEGA តែងបង្កប់អត្ថន័យលក្ខណៈផ្ទាល់ខ្លួន និងរចនាប័ទ្មពិសេសៗ។
ថ្មីៗនេះ ជាមួយព្រឹត្តិការណ៍ប្រកួតកីឡាអូឡាំពិកប៉ារីសឆ្នាំ 2024 ប្រេន OMEGA ក្រុមហ៊ុនផលិតនាឡិកាដៃដែលគុណភាពល្អឥតខ្ចោះជាច្រើនទសវត្សរ៍មកហើយ បានដាក់បង្ហាញនូវម៉ូដែលនាឡិកាដៃសម្រាប់ស្រ្តី Seamaster Diver 300M “Paris 2024” Edition ដែលនេះតំណាងឱ្យជានិមិត្តរូបនៃក្តីសុបិនរបស់ម្ចាស់ជើងឯក និងការស្វែងរកឧត្តមភាពដ៏អស្ចារ្យមួយកម្រិតបន្ថែមទៀតទៅកាន់ Omega’s Seamaster Collection។ ម៉ូដែលនៅក្នុង Collection នេះបានបំផុសគំនិតរួមបញ្ចូលជាមួយផ្ទៃសមុទ្រដ៏ស្រស់ស្អាត ដោយមានការតុបតែងជាពិសេសអំពីស្រទាប់នៃ Summer Blue បានបង្ហាញអំពីថ្ងៃសមុទ្រគួរឱ្យគយគន់។
Seamaster Diver 300M “Paris 2024” Ladies Edition
ម៉ូដែលដ៏សំខាន់មួយទៀត ដែលមិនគួរឱ្យមើលរំលងនោះគឺ Omega Aqua Terra Shades range ព្រោះវាបានបំផុសគំនិតដោយពណ៌ស្រាលស្រទន់នៃសមុទ្រ រួមផ្សំជាមួយបរិយាកាសធម្មជាតិនៃដែនដី ដែលផ្នែកនីមួយៗបានផ្តល់នូវទំនាក់ទំនងបរិសុទ្ធរវាងជីវិតទៅនឹងពិភពធម្មជាតិ។
