Cristiano Ronaldo ផ្ញើសារអរគុណទៅគ្រូបង្វឹក ក្រោយលោកត្រូវបានបញ្ចប់តំណែងនៅ Al Nassr

ខ្សែប្រយុទ្ធ AI Nassr លោក Cristiano Ronaldo បានផ្ញើរសាអគុណទៅគ្រូបង្វឹក Luis Castro ក្រោយគ្រូបង្វឹកសញ្ជាតិ ព័រទុយហ្គាល់រូបនេះត្រូវបានក្លឹប AI Nassr បញ្ចប់មុខតំណែងពីតួនាទីជាគ្រូបង្វឹកនៅក្លឹបមួយនេះ។

កីឡាករវ័យ ៣៩ឆ្នាំ Cristiano Ronaldo  បានសរសេរសាបង្ហោះនៅលើបណ្តាញសង្គម Instagram ភ្ជាប់ជាមួយនឹងរូបភាពដូច្នេះថា Luis Castro ខ្ញុំសូមអរគុណសម្រាប់គ្រប់យ៉ាង ដែលនៅក្រោមការដឹកនាំរបស់លោកកន្លងមក។

ចាប់តាំងពី Ronaldo បានផ្លាស់ទៅកាន់ក្លិប Al Nassr នៅដើមឆ្នាំ ២០២៣ រូបគេបានរួមការងារជាមួយនឹងលោក Luis Castro រហូតប្រជែងពានរង្វាន់ Arab King Cup of Champions នៅចុងរដូវកាល។

បុរសសញ្ជាតិព័រទុយហ្កាល់ទាំង ២ ក៏បានរួមគ្នាជួយ Al Nassr ឡើងដល់វគ្គពាក់កណ្តាលផ្តាច់ព្រ័ត្រពានរង្វាន់ AFC Champions League មុនពេលក្រុមបញ្ចប់នៅត្រឹមចំណាត់ថ្នាក់លេខ ២ ក្នុងលីគកំពូលរបស់អារ៉ាប៊ីសាអូឌីត។

ហើយក្លិបនៅក្របខណ្ឌ Saudi Pro League នេះបានសម្រេចចិត្តចែកផ្លូវជាមួយនឹង លោក Luis Castro ក្រោយពីគាត់បានដឹកនាំក្រុមធ្វើមិនបានល្អ សម្រាប់ការប្រកួតដើមរដូវកាលនេះ​

ហើយជំនួសមកវិញគ្រូបង្វឹក Stefano Piolo អតីតគ្រូបង្វឹក AC Milan មកជាគ្រូបង្វឹកថ្មីផងដែរ៕