ខ្មែរ
English
រដូវកាល 2024 Brazilian Serie A បានបញ្ចប់ជាផ្លូវការហើយ។ Estevão ដែលមានទេពកោសល្យជនជាតិប្រេស៊ីលអាយុ 17 ឆ្នាំស៊ុតបញ្ចូលទីបាន 13 គ្រាប់ និង assists 9 ដងក្នុង 31 ប្រកួតដែលនាំឱ្យ Palmeiras បញ្ចប់ក្នុងចំណាត់ថ្នាក់លេខ 2 ។
Estevão ក៏ទទួលបានពានរង្វាន់កីឡាករវ័យក្មេងល្អបំផុត និងជាខ្សែបម្រើល្អបំផុតផងដែរ ដោយពានរង្វាន់ផ្លូវការរបស់លីក។ កាលពីរដូវក្តៅកន្លងទៅនេះ Chelsea បានធានាការផ្ទេររបស់Estevãoជាមួយនឹងតម្លៃផ្ទេរចំនួន 34 លានអឺរ៉ូ និង 27 លានអឺរ៉ូបន្ថែមទៀតនៅក្នុងលក្ខខណ្ឌផ្សេងៗទៀត។ គាត់គ្រោងនឹងចូលរួមជាមួយក្រុមតោខៀវជាផ្លូវការនៅក្នុងទីផ្សារដោះដូរកីឡាកររដូវក្តៅនៅឆ្នាំក្រោយ។
ដោយលេងជាតួរនាទីខ្សែបម្រើស្លាបស្តាំ Estevão ត្រូវបានគេធ្វើការប្រៀបធៀបទៅនឹង Lamine Yamal ។ ថ្មីៗនេះ Ronaldo បាននិយាយនៅក្នុងបទសម្ភាសន៍មួយថា Estevão មានរូបរាងស្រដៀងនឹងទម្រង់លេងរបស់ Yamal ហើយបានបង្ហាញទំនុកចិត្តថាគាត់នឹងក្លាយជាកំពូលតារាបាល់ទាត់ក្នុងពេលឆាប់ៗនេះ៕
