ខ្មែរ
English
Collection Pre-Fall ឆ្នាំ 2025 របស់ Gucci គឺជាការរម្លឹកដល់ស្មារតីវិស័យម៉ូតទសវត្សរ៍ឆ្នាំ 1970 រួមបញ្ចូលជាមួយនឹងចក្ខុវិស័យសហសម័យទំនើបនៃប្រណីតភាពរបស់ខ្លួន។
ការច្របាច់បញ្ចូលគ្នារវាងអតីតកាល និងបច្ចុប្បន្នភាព បានធ្វើឱ្យមរតកដ៏សម្បូរបែបរស់រានមានជីវិតឡើងវិញ និងឆ្លុះបញ្ចាំងអំពីបទពិសោធន៍ ភាពអង់អាចក្លាហានក្នុងការងើបឡើងវិញ និងភាពស្រស់ឆើតឆាយមិនចេះចប់។
នាយកច្នៃប្រឌិត Gucci លោក Sabato De Sarno បានទាញយកការបំផុសគំនិតពីទសវត្សរ៍ឆ្នាំ 1970 រួចចាប់យកខ្លឹមសារ និងធាតុសំខាន់ៗនៃជំនាន់នោះ ដើម្បីធ្វើការរួមបញ្ចូលសិល្បៈហត្ថកម្មប្រពៃណីជាមួយនឹងវាយនភាពចម្រុះដ៏សម្បូរបែប។
“Casual grandeur” គឺជារចនាប័ទ្មពណ៌នាអំពី “ភាពអស្ចារ្យបង្កប់ភាពសាមញ” ដែលផ្តល់នូវផាសុកភាពយ៉ាងពេញលេញ។
Collection នេះបាន ធ្វើឱ្យមានតុល្យភាពចុះសម្រុងគ្នារវាងអតីតកាល និងសម័យទំនើប រួមមាន សម្លៀកបំពាក់ កាបូប ស្បែកជើង គ្រឿងអលង្ការ… គំនូរ Flora, ក្រណាត់ Trompe-l’œil, Monogram GG, Jackie 1961, Softbit, Horsebit ដែលមានលំនាំស្លាកសញ្ញាផ្ទះប្រណីត Gucci ឬ GG។
