ខ្មែរ
English
Jennie គឺជាតាចម្រៀង K-pop របស់ក្រុម BLACKPINK បានបញ្ចេញចម្រៀង Solo ថ្មី ចំណងជើង “Mantra” បន្ទាប់ពីអវត្តមានក្នុងរង្វង់សិល្បៈតន្រ្តីអស់រយៈពេលមួយឆ្នាំ។
នេះគឺជាការបង្កើតកំណត់ត្រាផ្ទាល់ខ្លួន និងចេញផ្សាយបទចម្រៀង Solo របស់នាង ចាប់តាំងពីការចាកចេញពីផលិតកម្ម YG Entertainment និង Interscope Records ក្នុងនាមជាសិល្បករទោលក្នុងឆ្នាំ 2023។
យោងតាមភ្នាក់ងាររបស់នាង OA Entertainment បានឱ្យដឹងថា បទចម្រៀងមួយនេះ ត្រូវបានដាក់បង្ហាញនៅម៉ោង 9 ព្រឹក ថ្ងៃទី 11 តុលា ឆ្នាំ 2024។
សាច់ភ្លេង និងទំនុកច្រៀងរបស់ “Mantra” បានបង្កប់ថាមពលដ៏អស្ចារ្យ លើកទឹកចិត្តឱ្យមនុស្សគ្រប់គ្នាបញ្ចេញពន្លឺតាមរបៀបផ្ទាល់ខ្លួនរបស់ពួកគេ ដោយបង្ហាញអំពីការផ្តល់ក្តីស្រឡាញ់ចំពោះខ្លួនឯង និងការគាំទ្រគ្នាទៅវិញទៅមក។
Jennie បាននិយាយថា “Mantra គឺជាបទចម្រៀងដ៏ល្អឥតខ្ចោះ ដើម្បីចាប់ផ្តើមយុគសម័យថ្មី។ ខ្ញុំជឿថាវានឹងមិនត្រឹមតែធ្វើឱ្យអ្នកគាំទ្រគ្រប់រូបសប្បាយចិត្តតែប៉ុណ្ណោះទេ ប៉ុន្តែថែមទាំងបង្ហាញពីផ្នែកថ្មីរបស់ខ្ញុំក្នុងនាមជាអ្នកសិល្បៈទោល” ។
នាងសង្ឃឹមថាអ្នកស្តាប់អាចទទួលបានថាមពលវិជ្ជមានពីបទចម្រៀងមួយនេះ។
