ខ្មែរ
English
One Park បានរៀបចំកម្មវិធី “Women in Red: Timeless Shanghai Elegance” ដើម្បីអបអរសាទរទិវានារីអន្តរជាតិ នៅ Oakwood Premier Phnom Penh ។ ព្រឹត្តិការណ៍នេះ រៀបចំឡើងជាមួយនឹងការតាំងលំអរនូវផ្ទាំងទស្សនីយភាពដ៏ភាពទាក់ទាញនៃទីក្រុងសៀងហៃ ក្នុងឆ្នាំ 1920។ ការប្រារព្ធកម្មពិធីនេះឡើង គឺដើម្បីបង្កើនភាពអង់អាច នឹងផ្តល់សមភាពដល់ស្ត្រី ឲ្យទទួលបានការអប់រំ និងសិទ្ធិស្មើភាពក្នុងការប្រកបកិច្ចការងារ។
កម្មវិធីធ្វើឡើងក្នុងគោលបំណងជាការងារមនុស្សធម៌សម្រាប់ផ្តល់ជូនជាអត្ថប្រយោជន៍ដល់អង្គការ Daughters of Cambodia ដែលជាអង្គការដែលបង្កើតឡើងដោយអ្នកស្រី Ruth Elliott ក្នុងឆ្នាំ 2007 ដើម្បីឧទ្ទិសដល់ការប្រយុទ្ធប្រឆាំងនឹងការជួញដូរមនុស្ស។
គួររំលឹកផងដែរថា Daughters of Cambodia ជាអង្គការដែលបានផ្តល់ការងារប្រកបដោយនិរន្តរភាព និងបណ្តុះបណ្តាលជំនាញ ផ្តល់សិទ្ធិអំណាចឲ្យស្រ្តី បានចាកចេញពីការងារផ្លូវភេទ និងកសាងជីវិតឯករាជ្យនៅក្នុងសហគមន៍របស់ពួកគេ។
