Ratcliffe ថាវាមិនអាស្រ័យលើលោកទេប្រសិនបើ Man Utd បណ្តេញ Ten Hag

នៅទីបំផុត លោក Jim Ratcliffe បានចេញមកបញ្ជាក់អំពីអនាគតរបស់លោក Erik Ten Hag ហើយ ដោយលោកអះអាងថា លោកនៅតែពេញចិត្តអ្នកចាត់ការជនជាតិហុល្លង់ម្នាក់នេះ ថ្វីបើពេលខ្លះ លោកពិបាកទទួលយកលទ្ធផលក៏ដោយ។ នៅពេលសួរថាតើគាត់មានជំនឿលើ Ten Hag ឬអត់ គាត់បានប្រាប់ BBC Sport ថា “ខ្ញុំមិនចង់ឆ្លើយសំណួរនោះទេ… ខ្ញុំចូលចិត្ត Erik ។
យ៉ាងណាក៏ដោយ លោកនិយាយថា ការបញ្ចប់តួនាទីរបស់អ្នកចាត់ការក្រុមគឺមិនស្ថិតក្នុងដៃរបស់លោកឡើយ។ លោកប្រគល់សិទ្ធិសម្រេចទៅឲ្យគណៈគ្រប់គ្រងក្លឹប (CEO និង Sporting Director) ដែលលោកបានតែងតាំងកាលពីខែមិថុនាកន្លងទៅ។

គួរដឹងថា កាលពីពេលថ្មីៗកន្លងមកនេះ លោក Omar Berrada ដែលជា CEO របស់ក្លឹប និងលោក Dan Ashworth ដែលជា Sporting Director របស់ក្លឹបបានចេញមកប្រកាសរួមគ្នាពីគោលជំហរគាំទ្រលោក Erik Ten Hag ឲ្យបន្តដឹកនាំក្រុមដើម្បីឆ្ពោះទៅរកភាពជោគជ័យ៕