Les Bains Gardians – រមណីយដ្ឋានវេទមន្តស្ថិតក្នុងតំបន់ឆ្នេរ Camargue នៃភាគខាងត្បូងប្រទេសបារាំង

Les Bains Gardians មានទីតាំងស្ថិតនៅចំកណ្តាលឧទ្យានធម្មជាតិក្នុងតំបន់ឆ្នេរ Camargue ដែលបង្ហាញខ្លួនជាទេសភាពមួយប្លែកភ្នែកប្រៀបដូចឋានសួគ៌លើដី រួមបញ្ចូលផ្ទៃមេឃពណ៌ខៀវស្រឡះគ្មានទីបញ្ចប់នៃសមុទ្រមេឌីទែរ៉ាណេដែលមានចម្ងាយត្រឹមតែ 200 ទៅ 300 ម៉ែត្រប៉ុណ្ណោះ។

គ្មានអ្វីដែលអាចធ្វើឱ្យអ្នកស្រស់ស្រាយផ្លូវចិត្តជាងការជ្រមុជខ្លួនចូលទៅក្នុងធម្មជាតិនោះទេ វាហាក់ដូចកំពុងនាំអ្នកទៅកាន់ពិភពវេទមន្តរឿងនិទានព្រះអង្គជិះសេះសតាមឆ្នេរព្រៃនៃ Saintes-Maries-de-la-Mer ឬជិះរទេះសេះតាមមាត់ស្រះ ដើម្បីស្វែងយល់ពីរុក្ខជាតិព្រៃប្រឹក្សា និងសត្វនៅក្នុងតំបន់។

Les Bains Gardians ប្រកាន់យកនូវគោលគំនិតតែមួយគត់របស់ខ្លួនគឺ ការលាយបញ្ចូលគ្នារវាងបុរាណ និងសម័យដ៏ល្អឥតខ្ចោះ ដើម្បីផ្តល់នូវអារម្មណ៍ពិសេសសម្រាប់ភ្ញៀវទេសចរគ្រប់រូប ម្យ៉ាងអាចស្វែងយល់ដឹងទៅលើជំនឿសាសនាកាលពីសម័យប្រវត្តិសាស្ត្រ ៖ Les Bains Guerbois និង Les Bains Douches ។

រមណីយដ្ឋានមួយនេះបានដាំឬសនៅក្នុងបេះដូងនៃធម្មជាតិ ហើយរួមបញ្ចូលនូវសកម្មភាពជាច្រើនដូចជា កីឡាវាយកូនបាល់ ភោជនីយដ្ឋាន និងបារស្រាក្រឡុក ក្រោលសេះ សង្វៀនជិះសេសះឯកជន អាងហែលទឹក ជាពិសេសមិនបំភ្លេចកម្មវិធីសិល្បៈ និងតន្ត្រីឡើយ… រចនាប័ទ្មគ្រឿងសង្ហារឹមបែបបុរាណ កាប៊ីនរបស់អ្នកគង្វាលដែលទម្រង់ពណ៌សល្អឥតខ្ចោះ ។

ស្រូបដង្ហើមខ្យល់អាកាសធម្មជាតិ

បើទោះបីជាទៅដល់ទីណាក៏ដោយ ធម្មជាតិនៅតែផ្តល់ឱជារសបរិយាកាសដ៏ល្អបំផុតសម្រាប់អ្នក។ ខណៈពេលសត្វ Cicadas បញ្ចេញសម្លេងរំពងព្រៃយ៉ាងពិរោះរណ្តំមានភាពសុខដុមរមនា, Camargue Roubines ធ្វើការស្វាគមន៍ក្រុមគ្រួសារសត្វទាទាំងវូង និងមានការជិះសេះទៅមាត់សមុទ្រមេឌីទែរ៉ាណេរ។ រមណីយដ្ឋានរុំព័ទ្ធដោយធម្មជាតិព្រៃប្រឹក្សា ផ្តល់នូវខ្យល់អាកាសដ៏ល្អឥតខ្ចោះសម្រាប់អ្នកចូលចិត្តកេរដំណែលធម្មជាតិ និងបង្កប់ភាពស្រស់បំព្រងទាំងខាងក្នុង និងខាងក្រៅ។

ភ្លក់រសជាតិនៃសមុទ្រមេឌីទែរ៉ាណេ

ដើម្បីបញ្ចប់ដំណើរអារម្មណ៍ដែលមានក្តីសុខពេញលេញរបស់អ្នក សូមទទួលទានអាហារនៅភោជនីយដ្ឋាន ឈ្មោះ “Le Pont des Bannes” ក្រោមស្នាដៃមេចុងភៅដ៏ល្បី លោក Bruno Grossi ។ អ្នកអាចទទួលទានម្ហូបអាហារបែបមេឌីទែរ៉ាណេជាប្រភពក្នុងស្រុកជាមួយនឹងមុខម្ហូប Camargue ជាដើម។ ម៉ឺនុយមុខម្ហូប គឺស្រស់ៗទាំងអស់ មានចាប់ពីត្រីបាសសមុទ្រ ត្រីសាហ្វរ៉ុន ត្រីយាវហឺដុត និងម្ហូបសាឡាត់មេឌីទែរ៉ាណេ…។