ខ្មែរ
English
ក្លឹប Liverpool របស់លោក Arne Slot បានបើកការពិភាក្សាបន្តកិច្ចសន្យាជាមួយខ្សែការពារ Ibrahima Konate ។
យោងតាមរបាយការណ៍ពី Football Insider បានឱ្យដឹងថាក្រុម Liverpool ពិតជាពេញចិត្តនឹងការលេងរបស់ Ibrahima Konate ហើយពួកគេបានត្រៀមផ្តល់អោយខ្សែការពារកណ្តាលសញ្ជាតិបារាំងជាមួយនឹងកិច្ចព្រមព្រៀងថ្មីមួយ។ ពួកគេចង់បន្តការស្នាក់នៅរបស់គាត់នៅជាមួយក្លឹប ខណៈដែលគាត់ស្ថិតនៅក្នុងផែនការរយៈពេលវែងរបស់លោក Arne Slot ។
Konate បានមកដល់ក្លឹបហង្សក្រហមនៅរដូវក្តៅឆ្នាំ 2021 ហើយបានរីកចម្រើនក្នុងរយៈពេលជាច្រើនឆ្នាំមកនេះ។ អ្វីៗបានផ្លាស់ប្តូរយ៉ាងខ្លាំងនៅចុងបញ្ចប់នៃរដូវកាលមុន ខណៈដែលគាត់បានចាប់ផ្តើមមិនពេញចិត្តក្រោមការដឹកនាំរបស់លោក Jurgen Klopp ។ ខ្សែការពារកណ្តាលរបស់បារាំងពិតជាមិនមានការចាប់អារម្មណ៍នៅមុនរដូវកាលទេ ហើយគាត់បានចាប់ផ្តើមរដូវកាលនេះនៅលើកៅអីបម្រុង។
ប៉ុន្តែកីឡាករវ័យ 25 ឆ្នាំរូបនេះបានធ្វើដំណើរត្រឡប់ទៅរកជម្រើសទី១១នាក់ដំបូងវិញ បន្ទាប់ពីស្ថិតនៅក្នុងកៅអីសម្រាប់ការប្រកួតជាលើកដំបូងរបស់គាត់ទល់នឹង Ipswich។ គាត់បានចាប់ដៃគូជាមួយ Virgil van Dijk ដែលធ្វើបានល្អជាមួយនៅក្លឹប ហើយក៏ជាការចាប់ផ្តើមដ៏គួរឱ្យចាប់អារម្មណ៍ផងដែល។
Liverpool សម្លឹងរកការផ្តល់ជូនអោយ Konate នូវកិច្ចសន្យាថ្មីមួយ ខណៈពេលដែល កិច្ចសន្យាបច្ចុប្បន្នរបស់ Konate នឹងផុតកំណត់នៅរដូវក្តៅឆ្នាំ 2026 ។ ខ្សែការពារសញ្ជាតិបារាំងនឹងមានកុងត្រាតែមួយឆ្នាំទៀតនៅរដូវក្ដៅក្រោយ។ ជាលទ្ធផល ហង្សក្រហមកំពុងសម្លឹងមើលការបន្តកិច្ចសន្យាលើកីឡាករសំខាន់របស់ពួកគេ។ លោក Slot ជឿជាក់ថាគាត់នឹងក្លាយជាផ្នែកសំខាន់នៃក្រុមរបស់យើងក្នុងប៉ុន្មានឆ្នាំខាងមុខ ហើយជាមួយនឹងភាពមិនច្បាស់លាស់ពីអនាគតរបស់ Van Dijk, Konate អាចជាអ្នកដឹកនាំបន្ទាប់នៃខ្សែការពាររបស់ក្លឹប។
ក្លឹប Merseyside ចង់ចងគាត់លើកិច្ចសន្យាថ្មីឲ្យប្រសើរឡើង ហើយក្លឹបបានបើកការពិភាក្សាបឋមរួចហើយទាក់ទងនឹងកិច្ចព្រមព្រៀងថ្មីមួយនេះ ហង្សក្រហមមានទំនុកចិត្តថា Konate នឹងដាក់ប៊ិចទៅលើកិច្ចសន្យាថ្មី។ ជាមួយនឹងកិច្ចពិភាក្សាកំពុងដំណើរការ ពួកគេនឹងសង្ឃឹមថានឹងសម្រេចឱ្យបានឆាប់តាមដែលអាចធ្វើទៅបាន៕
