ខ្មែរ
English
Liverpool ត្រូវបានគេរាយការណ៍ថា មានចំណាប់អារម្មណ៍លើខ្សែបម្រើប្រយុទ្ធរបស់ Bayer Leverkusen វ័យ 21 ឆ្នាំ គឺ កីឡាករ Florian Wirtz ហើយនេះក៏ជាគោលដៅរបស់ Real Madrid ដែរ។
យោងតាមរបាយការណ៍របស់ Defensa Central បានឱ្យដឹងថា Liverpool ចង់ចុះហត្ថលេខាលើខ្សែបម្រើប្រយុទ្ធរបស់ Bayer Leverkusen វ័យ 21 ឆ្នាំ Florian Wirtz នៅក្នុងទីផ្សារដោះដូរកីឡាករនាពេលខាងមុខ។ កីឡាករវ័យក្មេងរូបនេះក៏ជាគោលដៅសម្រាប់ Real Madrid ផងដែរ។
ខ្សែបម្រើសញ្ជាតិអាឡឺម៉ង់នេះ ទំនងជាការទិញយកដ៏ថ្លៃ ដោយយោងតាមរបាយការណ៍បានបញ្ជាក់ថា Liverpool នឹងយល់ព្រមចំណាយប្រហែល 120 លានអឺរ៉ូសម្រាប់ Florian Wirtz ។ កីឡាករអន្តរជាតិអាឡឺម៉ង់រូបនេះ ក៏ត្រូវបានគេចាត់ទុកថាជាកីឡាករមានទេពកោសល្យលំដាប់ពិភពលោក ហើយគាត់បានជួយក្រុម Bayer Leverkusen លើកពានរង្វាន់ League កាលពីរដូវកាលមុន។
Liverpool គិតថា គាត់មានគុណភាពក្នុងការអភិវឌ្ឍខ្លួនទៅជាកីឡាករសំខាន់សម្រាប់ក្រុមនាពេលអនាគត។
ខណៈដែល Mohamed Salah នឹងត្រូវផុតកុងត្រានារដូវក្តៅក្រោយ, Liverpool ត្រូវការអ្នកជំនួសកន្លែងរបស់គាត់។ កីឡាករអេហ្ស៊ីប (Mohamed Salah) គឺជាអ្នកប្រយុទ្ធដ៏ឆ្នើម និងជាអ្នករកគ្រាប់បាល់បានច្រើនផងដែរ។
ខ្សែបម្រើវ័យ 21 ឆ្នាំរូបនេះស៊ុតបញ្ចូលទីបាន 18 គ្រាប់កាលពីរដូវកាលមុន និងបានបញ្ជូនបាល់ឱ្យ Leverkusen ចំនួន 20 ដងផងដែរ។ គ្មានការងឿងឆ្ងល់ទេដែលថាគាត់ជាកីឡាករមានគុណភាពល្អនឹងជោគជ័យក្នុងកម្រិតខ្ពស់បំផុត ហើយគាត់អាចជាតួអង្គសំខាន់សម្រាប់ Liverpool ជាមួយនឹងការនាំយកមក Anfiled ។
ការផ្លាស់ទៅ Premier League របស់ Florian Wirtz នឹងក្លាយទៅជាជំហានដ៏ល្អបំផុតសម្រាប់គាត់ ហើយគាត់នឹងអាចទទួលយកបទពិសោទថ្មីនៅកម្រិតខ្ពស់ជាងនេះ។ Liverpool គឺជាក្លឹបដ៏ធំបំផុតមួយនៅក្នុងពិភពលោក ហើយពួកគេអាចផ្តល់ឱ្យគាត់នូវការប្រកួតពានរង្វាន់ធំៗជាទៀងទាត់។
Florian Wirtz គឺជាកីឡាករដែលមានមហិច្ឆតាជាមួយនឹងមានអនាគតភ្លឺស្វាង ហើយការផ្លាស់ប្តូរទៅកាន់ប្រទេសអង់គ្លេសនឹងក្លាយជាជំហានបន្ទាប់ដ៏ល្អសម្រាប់គាត់។ វានៅតែត្រូវមើលថា តើក្លឹបទាំងពីរអាចបញ្ចប់ការព្រមព្រៀងគ្នាបានរឺអត់នៅពេលនេះ។
Liverpool នឹងត្រូវកែលម្អតំបន់ផ្សេងទៀតនៃក្រុមរបស់ពួកគេផងដែរ ហើយវាគឺជារឿងគួរឱ្យចាប់អារម្មណ៍ក្នុងការមើលថាតើពួកគេត្រៀមខ្លួនរួចជាស្រេចក្នុងការបង់ថ្លៃកំណត់ត្រាក្លឹបដើម្បីចុះហត្ថលេខាលើខ្សែបម្រើរបស់ពួកគេដែររឺទេ។
គាត់មានសមត្ថភាពគ្រប់គ្រាន់ដើម្បីដំណើរការក្នុងតួនាទីជាច្រើន ហើយគាត់អាចជាទ្រព្យសម្បត្តិដែលមានតម្លៃសម្រាប់ Arne Slot ប្រសិនបើហង្សក្រហមអាចសម្រេចបាននូវកិច្ចព្រមព្រៀង។
កីឡាកររូបនេះត្រូវបានផ្សារភ្ជាប់ជាមួយនឹងក្លឹប Real Madrid ផងដែរ ហើយក្លឹបយក្សរបស់អេស្ប៉ាញអាចជាគោលដៅទាក់ទាញបន្ថែមទៀតសម្រាប់គាត់។ ពួកគេត្រូវបានគេចាត់ទុកយ៉ាងទូលំទូលាយថាជាក្លឹបធំបំផុតក្នុងពិភពលោក។ វានៅតែត្រូវមើលថាតើស្ថានភាពរីកចម្រើនយ៉ាងដូចម្តេច។
