Liverpool ប្រឈមនឹងការព្រួយបារម្ភពីការរងរបួសមុនការប៉ះ Chelsea

អ្នកចាត់ការក្រុម Liverpool លោក Arne Slot ថិតនៅក្នុងពេលដ៏លំបាកមួយ នៅពេលដែលការសម្រាកអន្តរជាតិខិតមកដល់ ដោយកីឡាករសំខាន់ៗប្រឈមមុខនឹងការបារម្ភអំពីរបួសរបស់ពួកគេ មុនពេលការប្រកួតទល់នឹងក្រុម Chelsea នាពេលខាងមុខ។ Alisson Becker ត្រូវបានគេរំពឹងថានឹងខកខានការប្រកួតដោយសារតែរបួសសរសៃពួរក្នុងការប្រកួតជាមួយ Crystal Palace ។ ក្នុងអវត្តមានរបស់គាត់ Caoimhin Kelleher នឹងឈានជើងចូលជាអ្នកចាំទីដៃទី១ ដែលជាតួនាទីសំខាន់ក្នុងការដោះស្រាយវិបាត់មួយនេះ។

បន្ថែមពីលើស្ថានភាពរបស់ Alisson ក្រុម Liverpool កំពុងតាមដានយ៉ាងដិតដល់ Alexis Mac Allister ដែលត្រូវបានដូរចេញពីការប្រកួតជាមួយ Palace ដោយាសាររបួសក្រលៀន។ ខណៈពេលដែល Slot បានបង្ហាញពីភាពមិនច្បាស់លាស់អំពីស្ថានភាពរបួសរបស់ Mac Allister ។ ទោះជាយ៉ាងណាក៏ដោយ ប្រសិនបើគាត់មិនអាចចូលរួមបាននោះ Curtis Jones ត្រៀមខ្លួនជាស្រេចក្នុងការជំនួសតំណែងរបស់គាត់នៅក្នុងខ្សែបម្រើកណ្តាល ដោយ Wataru Endo ក៏បង្ហាញការលេងយ៉ាងល្អផងដែរបន្ទាប់ពីការប្រកួតដ៏គួរឱ្យចាប់អារម្មណ៍មួយនៅក្នុងការប្រកួតមុនៗ។

ការប្រកួតទល់នឹង Chelsea នៅថ្ងៃទី 20 ខែតុលា Slot មានជំនឿរថាលោកយកឈ្នះក្រុមខ្លាំងមួយនេះបាន បើទោះបីជាមានបញ្ហារបួសកីឡាករខ្លះក៏ដោយ។ ក្រុមនេះបានរក្សាកំណត់ត្រាការពារដ៏រឹងមាំនៅរដូវកាលនេះ ហើយការវិលត្រឡប់របស់ Andy Robertson របស់ស្កុតឡេននឹងជួយពង្រឹងខ្សែការពារបន្ថែមទៀត។ ជាមួយនឹង Mohamed Salah រំពឹងថានឹងបន្តតួនាទីសំខាន់របស់គាត់នៅផ្នែកខាងស្តាំ ហើយ Slot ក៏ត្រូវប្រឈមមុខនឹងការសម្រេចចិត្តនៅផ្នែកខាងឆ្វេងផងដែរ ដែលទម្រង់ថ្មីរបស់ Cody Gakpo បានបង្ហាញឱ្យគាត់នូវការឈឺក្បាលក្នុងការជ្រើសរើសអ្នកលេង។ ខណៈដែល Liverpool នឹងត្រូវប្រកួតដ៏លំបាកមួយទល់នឹងក្រុម Chelsea ដែលខ្លាំងមួយផងដែរក្នុងការសម្រេចចិត្តបែបយុទ្ធសាស្ត្ររបស់ Slot នឹងមានសារៈសំខាន់ក្នុងការធានាឱ្យក្រុមបន្តទទួលបានជោគជ័យក្នុងក្របខ័ណ្ឌ Premier League ៕