Man City ប្រឈមមុខនឹងការចោទប្រកាន់នៅ Premier League ក្នុងសវនាការដែលមានភាពតានតឹងខ្លាំង

សវនាការរបស់ Manchester City ដែលទាក់ទងនឹងការចោទប្រកាន់ចំនួន 115 នៃការបំពានច្បាប់ហិរញ្ញវត្ថុដោយ Premier League បានចាប់ផ្តើមជាផ្លូវការហើយ។ ការចោទប្រកាន់ទាំងនេះ ផ្តើមចេញពីការស៊ើបអង្កេតរយៈពេល 4 ឆ្នាំ ដោយគ្របដណ្តប់លើការបំពាន ចោទប្រកាន់នៅចន្លោះឆ្នាំ 2009 និង 2018 រួមទាំងភាពខកខានក្នុងការផ្តល់ព័ត៌មានហិរញ្ញវត្ថុដែលត្រឹមត្រូវទាក់ទងនឹងប្រាក់ចំណូលក្លឹប ក៏ដូចជាការឧបត្ថម្ភ ព្រមទាំងការចំណាយប្រតិបត្តិការ។

Man City បានបដិសេធយ៉ាងម៉ឺងម៉ាត់ចំពោះការចោទប្រកាន់ទាំងអស់ ដោយអះអាងថាការការពាររបស់ពួកគេត្រូវបានគាំទ្រដោយ “ភស្តុតាងដែលមិនអាចប្រកែកបាន” ។

ករណីនេះ ត្រូវបានពិពណ៌នាថាវាជា “ការកាត់ក្តីកីឡានៃសតវត្សន៍” ដោយរំពឹងថាមានរយៈពេលប្រហែល 10 សប្តាហ៍ ជាមួយនឹងសាលក្រមដែលរំពឹងទុកនៅដើមឆ្នាំ 2025 ។ ក្រុមមេធាវីរបស់ក្លឹបដែលដឹកនាំដោយលោកមេធាវី Lord Pannick KC ត្រូវបានគេស្គាល់ថាជាអ្នកដោះស្រាយបញ្ហាដ៏ជំនាញ់ជាមួយប្រវត្តិរូបការងារផ្លូវច្បាប់ រួមទាំងការលុបចោលបម្រាមអឺរ៉ុបរយៈពេល 2ឆ្នាំកន្លងមក។ ប្រសិនបើមានការរកឃើញអំពីកំហុសចោទប្រកាន់ដ៏ធ្ងន់ធ្ងរបំផុត Man City អាចប្រឈមមុខជាមួយនឹងការពិន័យ រួមទាំងការកាត់ពិន្ទុ ឬសូម្បីតែការបណ្តេញចេញពី Premier League ។

អ្នកចាត់ការក្រុម Manchester City លោក Pep Guardiola បានសម្តែងអារម្មណ៍អន្ទះអន្ទែងចំពោះសវនាការនេះយ៉ាងខ្លាំង ដើម្បីបន្ត ដោយសង្កត់ធ្ងន់លើគោលការណ៍នៃភាពគ្មានទោសពៃរ៍ រហូតដល់មានការបញ្ជាក់អំពីកំហុស។ សវនាការកំពុងត្រូវបានធ្វើឡើងជាលក្ខណៈឯកជន ដោយមានសម័យប្រជុំខ្លះអាចធ្វើឡើងពីចម្ងាយ។ លទ្ធផលនៃករណីនេះអាចមានផលប៉ះពាល់យ៉ាងទូលំទូលាយសម្រាប់ទាំង Manchester City និង Premier League ព្រោះវាត្រូវបានពិចារណាលើការអនុវត្តហិរញ្ញវត្ថុដ៏ស្មុគស្មាញរបស់ក្លឹបដែលជោគជ័យបំផុតរបស់កីឡាបាល់ទាត់ក្នុងប៉ុន្មានឆ្នាំថ្មីៗនេះ។

ប្រភព ៖ NOWGOAL