ទេសភាពនៃមហាកំផែង “The Great Wall of China” នៅក្នុងរដូវរងា… គ្រប់ដណ្តប់ដោយព្រិលទឹកកក
អាកាសធាតុនៃទីក្រុងប៉េកាំងក្នុងរដូវរងា ឬរដូវធ្លាក់ព្រិល រដូវរងារនឹងចាប់ផ្តើមពីខែធ្នូ រហូតដល់ខែកុម្ភៈ ដោយវាមានខ្យល់ត្រជាក់បក់មករំហើយ និងពេលខ្លះមានការធ្លាក់ព្រិលគ្របដណ្តប់ពាសពេញផ្ទៃដីទីក្រុងប៉េកាំង។ គួរបញ្ជាក់ថា ខែមករា គឺជាខែដែលមានសីតុណ្ហភាពត្រជាក់បំផុតនៅក្នុងទីក្រុងប៉េកាំង ហើយវានឹងធ្លាក់ព្រិលជារៀងរាល់ថ្ងៃ ព្រមទាំងមានខ្យល់បក់ខ្លាំង។ ភាពស្ងប់ស្ងាត់នៃមហាផែង អមដោយទេសភាពដែលគ្របដណ្តប់ដោយព្រិល ជំនួសហ្វូងមនុស្សដ៏កកកុញនៃរដូវក្តៅ បានធ្វើឱ្យភ្ញៀវទេសចរទទួលអារម្មណ៍ថា តំបន់នេះជាកម្មសិទ្ធិរបស់ខ្លួនផ្តាច់មុខ។ លំអងព្រិលតូចៗធ្លាក់ចុះមករុំជញ្ជាំងនៃប្រាសាទបង្កើតបានជាឈុតពណ៌សទន់ៗ ធ្វើឱ្យតំបន់អច្ឆរិយៈនេះមានភាពស្រស់ស្អាតខុសពីធម្មតា។ ហេតុអ្វីបានជាអ្នកគួរធ្វើដំណើរកំសាន្តទៅកាន់មហាកំផែងចិននៅក្នុងរដូវរងារ “រដូវធ្លាក់ព្រិល”? ...