លោកជំទាវឧកញ៉ា ម៉ៅ ចំណាន ខិតកាន់តែជិតតំណែង ប្រធានសមាគមសិល្បករខ្មែរអាណត្តិទី៦
បន្ទាប់ពីបានឲ្យតម្រុយតាំងពីមុនចូលឆ្នាំខ្មែរ ឥឡូវនេះលោកជំទាវអ្នកឧកញ៉ា ម៉ៅ ចំណាន បានខិតទៅកាន់តែជិតតំណែងជាប្រធានសមាគមសិល្បករខ្មែរអាណត្តិទី៦ ជំនួសប្រធានចាស់ដែលផុតអាណត្តិហើយ។ តាមព័ត៌មានពីគណៈកម្មការបន្ដោះអាសន្នរៀបចំការបោះឆ្នោតជ្រើសរើសប្រធានសមាគមសិល្បករខ្មែរដឹកនាំដោយក្រសួងវប្បធម៌ និងវិចិត្រសិល្បៈសមាគមសិល្បករខ្មែរបានឲ្យដឹងថា គិតត្រឹមពេលនេះ លោកជំទាវឧកញ៉ា បានបំពេញគ្រប់លក្ខខណ្ឌឈរឈ្មោះបោះឆ្នោតជាប្រធានសមាគមសិល្បករខ្មែរហើយ។ ប្រភពដដែលបានបញ្ជាក់ថា លោកជំទាវអ្នកឧកញ៉ា ម៉ៅ ចំណាន បានបំពេញនូវលក្ខខណ្ឌដែលគណៈកម្មការកំណត់រួចរាល់ហើយដូចជាពាក្យស្នើសុំឈរឈ្មោះ និងការបំពេញប្រវត្តិរូបជាដើម។ ដូច្នេះ លោកជំទាវឧកញ៉ា បានក្លាយជាបេក្ខភាពពេញសិទ្ធិត្រៀមសម្រាប់ទទួលយកការបោះឆ្នោតសម្រាប់តំណែងថ្នាក់ដឹកនាំសមាគមហើយ។ ...