Real Madrid បានយកឈ្នះ Celta Vigo នៅក្នុងម៉ោងបន្ថែម ឈានទៅវគ្គ ១/៤ ផ្តាច់ព្រ័ត្រនៃពានរង្វាន់ Copa del Rey

ក្នុងការប្រកួត Copa del Rey វគ្គ១៦ក្រុម ក្រុម Real Madrid ទទួលភ្ញៀវ Celta Vigo នៅដីរបស់ខ្លួន។ នៅក្នុងតង់ទីមួយ ការស៊ុតពីចម្ងាយរបស់ Tchouaméni ត្រូវបានសង្គ្រោះដោយអ្នកចាំទី ការប៉ុនប៉ងរបស់ Rüdiger ក្នុងការអូសបាល់ពីចម្ងាយក៏មិនបានសម្រាច់ ហើយការស៊ុតបាល់ជ្រុងរបស់ Brahim Díaz ត្រូវបានរារាំងពីអ្នកចាំទី ហើយក្រោយមក Mbappé បានស៊ុតបញ្ចូលទីគ្រាប់ដំបូងរបស់គាត់ក្នុងពានរង្វាន់ Copa del Rey ជាមួយនឹងមុំតូចមួយ។ ជាមួយនេះ Mbappé បានស៊ុតបញ្ចូលទីក្នុងការប្រកួតទាំង ៦ ដែលគាត់បានចូលរួមសម្រាប់ក្លឹប Real Madrid ក្នុងរដូវកាលនេះ។

នៅក្នុងតង់ទីពីរបានបីនាទី Vinícius បានស៊ុតបញ្ចូលទី ដោយការបញ្ចប់ទីបានយ៉ាងល្អ ខណៈពេលដែល Mbappé បានតែតបាល់រំលងរបារមួយគ្រាប់ទៅវិញ។ ក្នុងនាទីជិតនឹងអស់ទៅហើយ Bamba និង Marcos Alonso បានស៊ុតបាល់បញ្ចូលទីពីរគ្រាប់យ៉ាងរហ័សជួយឲ្យ Celta Vigo តាមស្មើមកវិញ។ ហើយការប្រកួតបានបញ្ចប់ក្នុងលទ្ធផល ២-២ បន្ទាប់ពី ៩០នាទី។

នៅតង់ទីពីរនៃម៉ោងបន្ថែម៣០នាទី Endrick រកបានពីរគ្រាប់ និង Valverde រកបានមួយគ្រាប់ ដ៏គួរឱ្យភ្ញាក់ផ្អើលនៅក្នុងការប្រកួតនេះផងដែរ។ ទីបំផុត Real Madrid បានយកឈ្នះ Celta Vigo ៥-២ នៅម៉ោងបន្ថែម ដើម្បីឈានទៅវគ្គ ១/៤ ផ្តាច់ព្រ័ត្រនៃពានរង្វាន់ Copa del Rey៕

ទស្សនា​វីដេអូ ហាយឡាយ​ ឡើងវិញ​៖