ខ្មែរ
English
បច្ចុប្បន្នថ្នាក់ដឹកនាំរបស់ក្លឹប Real Madrid កំពុងពិចារណាថាតើត្រូវចុះហត្ថលេខាលើខ្សែការពារស្តាំនៅខែមករាម្នាក់នោះឬអត់? ដោយមានព័ត៌មានថា Dani Carvajal នឹងអវត្តមានក្នុងរដូវកាលដែលនៅសល់ជាមួយនឹងរបួសជង្គង់ធ្ងន់ធ្ងរ។ ដូចដែលអ្វីៗបានដឹងនោះ Lucas Vazquez គឺជាជម្រើសតែមួយគត់ដែលមានសម្រាប់លោក Carlo Ancelotti ទោះបីជា Eder Militao អាចបំពេញនៅពេលចាំបាច់ក៏ដោយ។
Trent Alexander-Arnold ត្រូវបានផ្សារភ្ជាប់យ៉ាងខ្លាំងជាមួយនឹងក្រុម Real Madrid ក្នុងប៉ុន្មានសប្តាហ៍ថ្មីៗនេះ ទោះបីជា Real ក៏កំពុងសម្លឹងមើលជម្រើសមួយផ្សេងទៀតនៃក្របខ័ណ្ឌ Premier League ក៏ដោយ។ យោងតាមសារព័ត៌មាន The Independent កីឡាករវ័យក្មេងរបស់ Chelsea គឺ Josh Acheampong ស្ថិតក្នុងបញ្ជីសម្រាំងរបស់ពួកគេ ហើយការផ្លាស់ប្តូរក្នុងអំឡុងពេលទីផ្សារដោះដូរកីឡាកររដូវរងារកំពុងត្រូវបានគិត។
របាយការណ៍បញ្ជាក់ថា Real Madrid បានតាមដាន Acheampong ជាយូរមកហើយ។ ខណះ Chelsea ថាគាត់មាន Reece James និង Malo Gusto ទៅហើយ។ Acheampong ពិតជាអាចជម្រើសរយៈពេលវែងដ៏ល្អសម្រាប់ម្ចាស់ជើងឯកអឺរ៉ុបដែលកំពុងសោយរាជ្យ ទោះបីជាមានការងឿងឆ្ងល់ថា Alexander-Arnold គឺជាបេក្ខភាពនាំមុខគេក្នុងដំណាក់កាលនេះក៏ដោយ៕
