ខ្មែរ
English
ក្លឹប Roma បានតែងតាំងលោក De Rossi ដើម្បីជំនួសលោក Jose Mourinho នៅកីឡាដ្ឋាន Stadio Olimpico កាលពីខែមករា តែសំរាប់រដូវកាលថ្មីនេះលោកមិនទាន់ដឹកនាំឈ្នះមួយប្រកួតណានៅឡើយទេ នៅក្នុង Serie A ពោលគឺ ស្មើ 3 និងចាញ់មួយនៅទឹកដី Empoli កាលពីខែមុន។
Roma បច្ចុប្បន្នកំពុងឈរនៅលេខរៀងទី 16 ក្នុងតារាង Serie A បន្ទាប់ពីលទ្ធផលពួកគេស្មើ 1-1 នៅលើទឹកដីក្រុម Genoa កាលពីថ្ងៃអាទិត្យ។
តាមសេចក្តីថ្លែងការណ៍របស់ក្លឹបបាននិយាយថា “ការសម្រេចចិត្តរបស់ក្លឹប គឺផ្តោតលើចំណាប់អារម្មណ៍របស់ក្រុម ដើម្បីអាចឱ្យយើងបន្តផ្លូវដែលចង់បានរបស់ក្លឹបនៅរដូវកាលចាប់ផ្តើមថ្មីនេះ”។
“ចំពោះ Daniele យើងសូមថ្លែងអំណរគុណយ៉ាងស្មោះស្ម័គ្រចំពោះការងារដែលលោកខិតខំ ធ្វើឡើងក្នុងប៉ុន្មានខែនេះដោយទឹកចិត្ត និងការលះបង់”។
De Rossi នៅ Roma បានចាប់ផ្តើមយ៉ាងអស្ចារ្យ ក្នុងការប្រកួតលីកចំនួន 11 លើកដំបូងរបស់គាត់ Roma បានចាញ់តែម្តងគត់ ដោយទទួលបាន 26 ពិន្ទុក្នុង 33 ពិន្ទុដែលរកបាននៅរដូវកាលមុន… លទ្ធផលមួយនេះបានធ្វើឱ្យ Roma ពីលេខ 9 ឡើងទៅលេខ 5 ក្នុងតារាង។
ពួកគេក៏បានឈានដល់វគ្គពាក់កណ្តាលផ្តាច់ព្រ័ត្រនៃ Europa League ផងដែរ ហើយក៏ត្រូវបានទម្លាក់ដោយម្ចាស់ជើងឯក Bundesliga Bayer Leverkusen ។
ការបញ្ចប់ចំណាត់ថ្នាក់លេខប្រាំមួយ នាដូវកាលមុនបានធ្វើឱ្យពួកគេមានកៅអីលេងម្តងទៀតសម្រាប់ Europa League នៅក្នុងរដូវកាលនេះ។
Chris Smalling ដែលជាអតីតខ្សែការពារកណ្តាល Manchester United បានចាកចេញទៅក្រុម Al-Fayha របស់ Saudi Pro League រីឯអតីតខ្សែប្រយុទ្ធ Chelsea Tammy Abraham បានចូលរួមជាមួយ AC Milan ក្នុងលក្ខខណ្ឌខ្ចីជើង ហើយ Romelu Lukau ដែលបានចំណាយពេលកាលពីរដូវកាលមុនក្នុងលក្ខខ័ណ្ឌខ្ចីជើងពី Chelsea ជាមួយ Roma បានចូលរួមជាមួយ Napoli ។
Andrea Belotti (Como), Rui Patricio (Atalanta) និង Leonardo Spinazzola (Napoli) ក៏បានចាកចេញក្នុងប៉ុន្មានខែថ្មីៗនេះផងដែរ។
ក្នុងនាមជាកីឡាករម្នាក់ De Rossi ដែលបច្ចុប្បន្នមានអាយុ 41 ឆ្នាំបានចំណាយពេល 22 ឆ្នាំលេងជាកីឡាករជាមួយ Roma ចន្លោះឆ្នាំ 1997 និង 2019 ដោយបានបង្ហាញខ្លួន 616 លើកសម្រាប់ក្លឹប ហើយគាត់ក៏ជាផ្នែកមួយនៃក្រុមដែលឈ្នះ World Cup ឆ្នាំ 2006 របស់ប្រទេសអ៊ីតាលីផងដែរ។
ប្រភព ៖ BBC
