ខ្មែរ
English
ភាពលេចធ្លោនៃប្រណីតភាពបែបស្ងប់ស្ងាត់ – Schiaparelli បានទាក់ទាញការចាប់អារម្មណ៍ពីសាធារណជនម្តងទៀតជាមួយនឹងសិល្បៈ Surreal ហើយទទួលបានសន្ទុះនៃភាពជោគជ័យឡើងខ្ពស់លើសពីការរំពឹងទុក។
ផ្ទះម៉ូតសម្លៀកបំពាក់បែបបុរាណដ៏ល្បីល្បាញនៃប្រទេសបារាំង “Schiaparelli” បានពាំនាំសិល្បៈ Surrealist ទៅក្នុងវិស័យម៉ូដក្នុងសតវត្សចុងក្រោយនេះ ហើយបានបំបែកភាពលេចធ្លោនៅក្នុងឧស្សាហកម្មម៉ូដជាមួយនឹងរចនាប័ទ្មដ៏អស្ចារ្យគួឱ្យភ្ញាក់ផ្អើល ដោយច្របាច់បញ្ចូលរវាងភាពទន់ភ្លន់ និងភាពឆើតឆាយសម្រាប់ស្រ្តី។
Surrealism ជាអ្វី?
Surrealism គឺជាចលនាសិល្បៈ និងអក្សរសាស្ត្រដែលលេចរូបរាងឡើងនៅទសវត្សរ៍ឆ្នាំ 1920 ។ វាត្រូវបានគេស្គាល់ដោយសារការស្វែងយល់ពីចិត្តដោយមិនដឹងខ្លួន ឬតាមសុបិន និងភាពមិនសមហេតុផលណាមួយ។ និយាយជារួម ស្នាដៃ Surrealist ច្រើនតែមានរចនាប័ទ្មចម្លែក មិនសមហេតុសមផល ការដាក់បញ្ចូលនូវអ្វីប្លែកៗរួមផ្សំគ្នា ឬអាចជារូបភាពតាមរយៈសុបិនជាដើម។
Surrealism មានឥទិ្ធពលយូរអង្វែងលើទម្រង់សិល្បៈជាច្រើនទៀត រួមទាំង ម៉ូត អក្សរសិល្ប៍ ភាពយន្ត ល្ខោន។
បញ្ចូលថាមពលថ្មីទៅក្នុងវត្ថុធាតុបុរាណ
ការច្នៃប្រឌិត និងចក្ខុវិស័យរបស់នាយកច្នៃប្រឌិត Daniel Roseberry បានធ្វើឱ្យវត្ថុធាតុបុរាណ រស់រានមានជីវិតនៅក្នុងឧស្សាហកម្មម៉ូត។ រាប់ចាប់ពីសំលៀកបំពាក់រូបបង្កងរបស់ តារាសម្តែងហុងកុង Carina Lau, អាវទម្រង់សាច់ដុំរបស់ Kim Kardashian, ស្រោមម្រាមដៃមាសរបស់ Hunter Schafer និងវ៉ែនតារូបរាងប្លែកៗនៅក្នុងស៊េរីគ្រឿងអលង្ការដ៏ប្រណិតរបស់ម៉ាកយីហោ… វាត្រូវបានគេទទួលស្គាល់ថាជា សិល្បៈហត្ថកម្មបំផុសគំនិតច្នៃប្រឌិតដ៏ចម្លែក និងស្រស់ស្អាតបំផុត។ បន្ថែមពីនេះ Daniel Roseberry ក៏បានយកមនុស្សយន្ត និង AI មកធ្វើជាការបំផុសគំនិត ដោយបន្ថែមភាពទាន់សម័យដល់សោភ័ណភាពម៉ូតរបស់ខ្លួន។
