SEVENTEEN’s Hoshi សម្រាប់ Diesel FW25 នៅ Milan Fashion Week

Hoshi នៃក្រុម SEVENTEEN ត្រូវបានគេប្រទះឃើញនៅអាកាសយានដ្ឋានអន្តរជាតិ Incheon ត្រៀមធ្វើដំណើរទៅកាន់ទីក្រុង Milan ប្រទេសអ៊ីតាលី សម្រាប់កម្មវិធី FW25 Fashion Week របស់ Diesel ។

Hoshi បានស្លៀក​ពាក់​អាវ​ក្រៅ​ពណ៌​ក្រហម​ដ៏​ទាក់ទាញ​ពី​ក្រុមហ៊ុន Diesel ផ្គូផ្គង​ជាមួយ​អាវយឺត​ក្រាហ្វិក និង​ខោ​ខូវប៊យ​សម​សម្រាប់​រូបរាង​ទាន់សម័យ។ ដើម្បីបំពេញសម្លៀកបំពាក់របស់គាត់ គាត់បានកាន់កាបូបកាមេរ៉ា 1DR ដ៏ល្បីល្បាញរបស់ Diesel និងពាក់ស្បែកជើងប៉ាតាទាន់សម័យ ដែលស័ក្តិសមឥតខ្ចោះសម្រាប់ការធ្វើដំណើររបស់គាត់ទៅកាន់ Milan សម្រាប់កម្មវិធី FW25 Fashion Week របស់ Diesel ។

អំឡុងពេលនៃកម្មវីធី Hoshi បានពាក់អាវអំបោះពីក្រុមហ៊ុន Diesel ដែលផ្តល់នូវភាពសាមញ្ញផង ទាក់ទាញផង។ អាវ​ខាងក្នុង​ដែល​សម​នឹង​ខ្លួន​ បង្ហាញពីភាព​សហសម័យ ខណៈ​ដែល​អាវ​ក្រៅ​ស្រាល​បន្ថែម​​ចំណាប់​អារម្មណ៍ទៅដល់អ្នកគាំទ្រ។ ការផ្គូផ្គងខោអំបោះដែលបំពេញនូវរូបរាងអោយកាន់តែទាន់សម័យ។

យ៉ាងណាមិញ Hoshi កំពុងរៀបចំសម្រាប់ការចេញអាល់ប៊ុមទោលដំបូងរបស់ Hoshi X Woozi នៃក្រុម SEVENTEEN ដែលមានចំណងជើងថា “BEAM” នៅថ្ងៃទី 10 ខែមីនា ខណៈដែលគាត់កំពុងបន្តកាលវិភាគដ៏មមាញឹករបស់គាត់។