Sporting CP ប្រកាសជាផ្លូវការពីការបណ្តេញគ្រូបង្វឹកលោក Joao Pereira

ក្លឹប Sporting CP ប្រកាសជាផ្លូវការពីការបណ្តេញគ្រូបង្វឹកលោក João Pereira ។ លោក João Pereira វ័យ ៤០ ឆ្នាំ ដែលពីមុនជាគ្រូបង្វឹកក្រុមឈុត B របស់ Sporting CP បានចូលកាន់តំណែងជាគ្រូបង្វឹកក្រុមធំដំបូងកាលពីខែមុន ដោយជំនួសតំណែងលោក Rúben Amorim ដែលបានចាកចេញទៅ Manchester United។ ទោះជាយ៉ាងនេះក្តី ក្នុងអំឡុងពេលកាន់តំណែង លោកបានដឹកនាំក្រុមក្នុងការប្រកួតចំនួន ៨ លើក ដោយទទួលបានជ័យជម្នះត្រឹមតែ ៣ លើក ស្មើ ១ លើក និងចាញ់ ៤ លើក។

ឥឡូវនេះក្លឹប Sporting CP បានបញ្ជាក់ថាលោក João Pereira ត្រូវបានបណ្តេញចេញពីតំណែងត្រឹមតែ ៤៥ ថ្ងៃប៉ុណ្ណោះ។ កាលនៅក្នុងនាមជាកីឡាករ លោក João Pereira លេងតំណាងឱ្យក្លឹបដូចជា Benfica, Braga, Sporting CP, Valencia, Hannover 96 និង Trabzonspor ។ ហើយគាត់ក៏រកបាន ៤០ គ្រាប់សម្រាប់ក្រុមជម្រើសជាតិព័រទុយហ្គាល់ផងដែរ។ បន្ទាប់ពីចូលនិវត្តន៍ គាត់បានចូលបម្រើការងារជាគ្រូបង្វឹករបស់ Sporting CP និងធ្វើការនៅក្នុងប្រព័ន្ធយុវជនរបស់ក្លឹប៕