ខ្មែរ
English
“ប្រាសាទអង្គរវត្ត” ដែលជាសម្បត្តិបេតិកភណ្ឌពិភពលោករបស់អង្គការយូណេស្កូ និងជានិមិត្តរូបនៃវប្បធម៌ដ៏សម្បូរបែបរបស់ប្រទេសកម្ពុជា បានបង្ហាញខ្លួននៅលើទំព័រនៃម៉ាកយីហោសម្លៀកបំពាក់ប្រណីត Stefano Ricci ។
ការថតស្ពតពាណិជ្ជកម្មនៃម៉ាកយីហោដ៏ល្បី Stefano Ricci នៅក្នុងខេត្តសៀមរាប ហាក់មានបំណងបង្ហាញអំពីសម្រស់នៃប្រាសាទខ្មែរ ភាពអច្ឆរិយៈដ៏អស្ចារ្យ និងប្រវត្តិសាស្រ្តតាំងពីយូរលង់ណាស់ ព្រមទាំងសិល្បៈ វប្បធម៌ដ៏សម្បូរបែបនៃព្រះរាជាណាចក្រកម្ពុជា។
លោក Niccolò Ricci នាយកប្រតិបត្តិក្រុមហ៊ុន Stefano Ricci បានបង្ហាញសៀវភៅម៉ូត និងមានប្រសាសន៍ ថា “ច្បាប់ចម្លងនៃទស្សនាវដ្តីម៉ូត ត្រូវបានចែកចាយទៅកាន់ប្រទេសជាច្រើនជុំវិញពិភពលោក”។
លោកក៏បានបន្តទៀត ថា “នៅក្នុងសម័យសង្រ្គាម ប្រទេសកម្ពុជាត្រូវបានគេស្គាល់ថាជា “វាលពិឃាត” របស់ខ្មែរក្រហម ប៉ុន្តែនៅក្នុងយុគសម័យសន្តិភាពឥឡូវនេះ ប្រទេសកម្ពុជាត្រូវបានគេស្គាល់ថាជាទឹកដីនៃស្នាមញញឹម និងពោរពេញដោយសក្តានុពលទេសចរណ៍ សម្បូរទៅដោយសម្បត្តិបេតិកភណ្ឌពិភពលោក” ។
គួរបញ្ជាក់ផងដែរថា Stefano Ricci គឺជាម៉ាកយីហោសម្លៀកបំពាក់ប្រណីតរបស់ប្រទេស អ៊ីតាលី ដែលត្រូវបានបង្កើតឡើងក្នុងឆ្នាំ 1972 ហើយការរក្សាបាននូវស្តង់ដារដែលមានគុណភាពខ្ពស់បំផុត ដោយបំណែកនីមួយៗឆ្លុះបញ្ចាំងពីការប្តេជ្ញាចិត្តចំពោះឧត្តមភាពសិល្បៈ។
