The Fashion Avenue បានត្រឡប់មកវិញ សម្រាប់ “ទិវាសុនខ (សត្វឆ្កែ) អន្តរជាតិ”

ការរៀបចំលើកទី 4 របស់ The Fashion Avenue កាន់តែមានភាពអស្ចារ្យ រួមបញ្ចូលទាំងការកំសាន្តដ៏សម្បូរបែបសម្រាប់ភ្ញៀវគ្រប់រូប ដើម្បីចូលរួមអបអរទិវាបង្ហាញក្តីស្រឡាញ់ទៅកាន់មិត្តល្អជើងបួន “សុនខ” (សត្វឆ្កែ) លក្ខណៈអន្តរជាតិ។

នៅក្នុងផ្សារ រួមមានកូនតូបតូចៗជាច្រើនដាក់តាំងពិពណ៌ផលិតផលចម្រុះ វត្ថុអនុស្សាវរីយ៍ ខោអាវមួយទឹក ផលិតផលសិប្បកម្មក្នុងស្រុក អ្នករចនាម៉ូតប្រកបដោយភាពច្នៃប្រឌិតបង្ហាញអំពីសិល្បៈខ្នាតតូចដ៏សម្បូរបែប និងជម្រើសជាច្រើននៃអាហារតាមដងផ្លូវ ឬភេសជ្ជះឆ្ងាញ់ៗ។

នៅក្នុងនោះក៏មានការប្រកួតម៉ូដែលដើរតាមដងផ្លូវ “THE STREETWALK” ដែលផ្តល់ឱកាសដល់អ្នកមានបំណងក្លាយជាតារាបង្ហាញម៉ូតនៅចំពោះមុខអ្នកថតរូបចំនួន 20 នាក់នៅតាមបណ្តោយផ្លូវធំរបស់ Factory Phnom Penh។ កម្មវិធីនឹងមានការផ្តល់ជូនជារង្វាន់ធំសម្រាប់អ្នកចូលរួម ព្រមទាំងសត្វចិញ្ចឹមរបស់អ្នកផងដែរ… កុំភ្លេចនាំសត្វចិញ្ចឹមរបស់អ្នកមកចូលរួម ដើម្បីបង្ហាញក្តីស្រឡាញ់ដល់ពួកគេ ចូលរួមកំសាន្តហ្គេមផ្សេងៗជាច្រើន។