បង្វែរអារម្មណ៍នៃការទទួលទានអាហារដ៏ឆ្ងាញ់ទៅកាន់ចក្រភពវប្បធម៌បារាំង មិនថាទាំងរសជាតិ ទាំងបរិយាកាស និងសេវាកម្ម។ មុខម្ហូបបារាំងមានប្រវត្តិដ៏យូរអង្វែង និងសម្បូរបែបយ៉ាងខ្លាំងនៅក្នុងប្រទេសកម្ពុជា ដែលវាមានអាយុកាលចាប់តាំងពីសម័យអាណានិគមបារាំងនៅក្នុងប្រទេសកម្ពុជា។ សព្វថ្ងៃនេះ នៅក្នុងទីក្រុងភ្នំពេញមានភោជនីយដ្ឋានបែបបារាំងជាច្រើនបានរំលេចខ្លួនឡើង ក្នុងគោលបំណងទាក់ទងភ្ញៀវទេសចរ និងផ្តល់ជូនប្រជាជនកម្ពុជានូវការទទួលបានមុខម្ហូបមានឱជារសបែបបារាំងដ៏ច្រើនសម្បូរបែបបំផុតទាំងបុរាណ និងសម័យដោយផ្សំគំនិតច្នៃប្រឌិតយ៉ាងជំនាញ ជាពិសេសបានរួមបញ្ចូលទាំងបរិយាកាសរ៉ូមែនទិចបែបបារាំងបង្កប់ភាពសប្បាយរីករាយខ្លាំង។
4 កន្លែងខាងក្រោមនេះ គឺភោជនីយដ្ឋានបារាំងលំដាប់កំពូលនៅក្នុងទីក្រុងភ្នំពេញ ដែលអ្នកអាចទទួលបានបទពិសោធន៍ថ្មីនៃការទទួលទានអាហារបារាំង និងបរិយាកាសដ៏ទំនើប ឆើតឆាយ សេវាកម្មល្អឥតខ្ចោះ និងអាហារមានគុណភាព។
![](https://ladies.com.kh/wp-content/uploads/2024/05/1140x150-2-scaled.jpg)
Topaz
ជាភោជនីយដ្ឋានអាហារឆ្ងាញ់បែបបារាំង ដែលផ្តល់នូវបទពិសោធន៍ទទួលទានអាហារដ៏ប្រណិត ជាមួយមុខម្ហូបបារាំងបែបបុរាណកាត់សហសម័យសម្បូរបែបបំផុត។ ចំណែកបរិយាកាសក្នុងហាងស្ងប់ស្ងាត់ ស្រស់ស្អាត រំលេចដោយគំនូរស្នាដៃសិល្បៈជាប់នៅលើជញ្ជាំង។ ជម្រើសនៃស្រាល្បីៗ ដើម្បីបំពេញបន្ថែមអាហារដ៏ឆ្ងាញ់ពិសា ក៏នៅទីនេះមានការផ្តល់ជូនដូចគ្នា។
- ទីតាំង : Topaz Norodom, House, number 162 Norodom Blvd, Phnom Penh 12302
Khéma
ជាភោជនីយដ្ឋានបារាំង-កម្ពុជា ដែលផ្តល់នូវអាហារបារាំងដ៏សម្បូរបែបរៀបចំឡើងដោយប្រើប្រាស់គ្រឿងផ្សំគុណភាពខ្ពស់ និងយកចិត្តទុកដាក់យ៉ាងល្អិតល្អន់ទៅលើការចម្អិនម្ហូបនីមួយៗ។ Khéma ផ្តល់ជូនអ្នកនូវសេវាកម្មដ៏មានតម្លៃ និងស្តង់ដារអាហារល្អបំផុត។
- ទីតាំង : Khéma Restaurant Pasteur, Corner of Street 228 & Street 51 Phnom Penh, 12211
Le Phnom 1929
ភោជនីយដ្ឋាននេះស្ថិតនៅក្នុងបរិវេណ សណ្ឋាគារ Raffles Hotel Le Royal មានរចនាប័ទ្មបែបបារាំង។ នៅទីនេះមិនមែនគ្រាន់តែជាកន្លែងសម្រាប់រីករាយជាមួយម្ហូបដ៏ឈ្ងុយឆ្ងាញ់ទេ Le Phnom 1929 បានផ្តល់ជូននូវទស្សនីយភាពដ៏ស្រស់ត្រកាលបង្កប់ភាពសប្បាយរីករាយ ដែលអ្នកចែករំលែកពេលវេលាដ៏មានតម្លៃជាមួយក្រុមគ្រួសារ គូស្នេហ៍ និងជួបជុំជាមួយមិត្តភក្តិ។
- ទីតាំង : Le Phnom 1929, 92 Rukhak Vithei, Phnom Penh 120211 នៅក្នុងសណ្ឋាគារ Raffles Hotel Le Royal
Brasserie Louis
ភោជនីយដ្ឋាននេះមានមានទីតាំងស្ថិតនៅជាន់ទី 35 នៃអគារ Vattanac Capital Tower។ Brasserie Louis ផ្តល់ជូននូវអាហារបែបបារាំងជាច្រើនប្រភេទ រួមមានអាហារពេលព្រឹក អាហារថ្ងៃត្រង់ រហូតដល់អាហារពេលល្ងាចដែលមានការរួមបញ្ចូលគ្នាគ្រប់មុខម្ហូបទាំងអស់។ ក្រៅពីមុខម្ហូបអាហារដ៏សម្បូរ និងសេវាកម្មល្អឥតខ្ចោះ Brasserie Louis អាចផ្តល់នូវទិដ្ឋភាពស្រស់ត្រកាលនៃទីក្រុងភ្នំពេញ ដែលអ្នកអាចទស្សនាបានយ៉ាងត្រជាក់ភ្នែក។
- ទីតាំង : Brasserie Louis, Vattanac Capital Tower, Level 35, 66 Preah Monivong Blvd (93), Phnom Penh 120211